Ռիգայում շարունակվում են շախմատի Grand Swiss տղամարդկանց և կանանց մրցաշարերը: Կայացել են 7-րդ տուրի պարտիաները:
Տղամարդկանց մրցաշարում մեր շախմատիստներից լավագույն արդյունքն ունեն Մանուել Պետրոսյանը և Գաբրիել Սարգսյանը: Նրանք 4,5-ական միավորով կիսում են են 5-32-րդ տեղերը: Լրացուցիչ գործակիցներով Մանուելը 5-րդն է, Գաբրիելը՝ 19-րդը: Երկուսն էլ այս տուրում ոչ-ոքի խաղացին։ Մրցաշարային աղյուսակը միանձնյա գլխավորում է Ֆրանսիան ներկայացնող իրանցի գրոսմայստեր Ալիրեզա Ֆիրուջան, ով իր ակտիվում ունի 5,5 միավոր։
Այս մրցաշարում իր երկրորդ հաղթանակը տարավ Սամվել Տեր-Սահակյանը և իր միավորների թիվը հասցրեց 4-ի: Նույնքան միավոր ունի նաև Ռոբերտ Հովհաննիսյանը, ով ոչ-ոքի խաղաց: Իսկ Լևոն Արոնյանը (3.5 միավոր) առաջին պարտությունը կրեց մրցաշարում: Պարտվեցին նաև Սերգեյ Մովսիսյանն (3) ու Հայկ Մարտիրոսյանը (2,5):