Անգլիական «Մանչեսթեր Յունայթեդի» նորվեգացի գլխավոր մարզիչ Ուլե-Գունար Սուլշերը մեկնաբանել է 3։2 հաշվով հաղթանակն իտալական «Ատալանտայի» նկատմամբ եւ դրվատանքով խոսել է թիմի 36–ամյա պորտուգալացի հարձակվող Կրիշտիանու Ռոնալդուի մասին, որը խփել է հաղթական գոլը։
«Առաջին խաղակեսում էլ մենք ունեինք գոլ խփելու հնարավորություն, սակայն Ռեշֆորդը չկարողացավ իրացնել։ Նա շարունակեց նույն եռանդով խաղալ եւ հասավ նպատակին։ Ռեշֆորդը շատ կարեւոր է «Մանչեսթեր Յունայթեդի» համար։ Կարծես՝ ոչ ոք չէր մտածում, որ նա կխփի այդ գոլը։
Ռոնալդուն հրաշալի է մրցակցի դարպասի մոտ։ Եթե որեւէ մեկը ցանկանում է քննադատել Ռոնալդուին, պարզապես դիտեք այս խաղը։
Նրա ջանքերը, արագությունը գերազանց են, ես շատ գոհ եմ Ռոնալդուի խաղից։ Վերջնամասում նա մշտապես մրցակցի տուգանային հրապարակում էր։ Նա արեց ամենը, ինչ պետք է անի կենտրոնական հարձակվողը։ Նայեք եւ աջակցեք «Մանչեսթեր Յունայթեդին»։ Մեզ համար դա շատ կարեւոր է»,- Սուլշերի խոսքը մեջբերում է ակումբի մամուլի ծառայությունը։
Չեմպիոնների լիգա, երրորդ տուր
F խումբ
«Մանչեսթեր Յունայթեդ» — «Ատալանտա»՝ 3։2 (տեսանյութ)
Մարկուս Ռեշֆորդ, 53, Հարի Մագուայր, 75, Կրիշտիանու Ռոնալդու, 81 — Մարիո Պաշալիչ, 15, Մերիհ Դեմիրալ 28
«Յանգ Բոյզ» — «Վիլյառեալ»՝ 1։4
Էլիա Մեշակ, 77 — Իերեմի Պինո, 6, Ժերար Մորենո, 16, Ալբերտո Մորենո, 88, Սամու Չուկվեզե, 90+2