«Marvel» կինոստուդիան հրապարակել է սուպերհերոսների մասնակցությամբ «Բազեն եւ Ձմեռային զինվորը» սերիալի թրեյլերը, որի պրեմիերան Disney+ հարթակում տեղի կունենա մարտի 19-ին»

Թրեյլերում երեւում են հանդիսատեսին արդեն իսկ հայտնի հերոսները՝ «Բազեն» (Սեմը) եւ «Ձմեռային զինվորը» (Բաքի Բարնսը)։ Դատելով հոլովակից՝ պահապաններին ժառանգություն է մնացել «Կապիտան Ամերիկայի» վահանը։

Սերիալներում սուպերհերոսները դիմակայելու են գնդապետ Հելմուտ Զեմոյին, որին առաջին անգամ հանդիսատեսը տեսել է «Առաջին վրիժառուն. դիմակայություն» ֆիլմում։ Սերիալի հեռարձակումը կսկսվի 2021թ․-ի մարտի 19-ին։

Ավելի վաղ հաղորդվում էր, որ «Սեւ հովազի» ռեժիսորը Վականդայի մասին սերիալ կստեղծի։