Մոսկվայի Կարմիր հրապարակում ընթանում է Հաղթանակի 75-ամյակին նվիրված զորահանդեսը11:02, 24.06.2020Տարածաշրջան:Ռուսաստան
Թեմա: Քաղաքականություն, Հասարակություն
| 38SHARES |
2020 թվականի հունիսի 24-ին Մոսկվայի Կարմիր հրապարակում զորահանդես է անցկացվում 1941-1945 թվականների Հայրենական մեծ պատերազմում տարած հաղթանակի 75-ամյակի կապակցությամբ: Իսկզբանե նախատեսվում էր այն անցկացնել մայիսի 9-ին, սակայն շքերթը հետաձգվել էր նոր կորոնավիրուսի պատճառով (մայրաքաղաքի վրայով թռան ռազմական ինքնաթիռներ եւ ուղղաթիռներ): Շքերթը նվիրված է 1945-ի հունիսի 24-ին Կարմիր հրապարակում Հաղթանակի պատմական շքերթի անցկացման օրվան:
Հաղթանակի ռազմական շքերթին մասնակցում է ավելի քան 13 հազար զինծառայող, 216 միավոր ցամաքային ռազմական տեխնիկա, 75 ինքնաթիռ եւ ուղղաթիռ: Երաժշտական նվագակցումը կապահովի պաշտպանական գերատեսչության նվագախումբը: Շքերթային հաշվարկները եւ մեխանիզացված շարասյուները հունիսի 8-ից 15-ը պատրաստվածություն են անցել Ալաբինայի (Մոսկվայի մարզ) հարթակում, հունիսի 17-ին եւ 18-ին Մոսկվայի կենտրոնում փորձեր են անցկացվել ցամաքային տեխնիկայի մասնակցությամբ, հունիսի 20-ին անցկացվել է շքերթի գլխավոր փորձ: