Պլյուս չափի հայտնի մոդել Էշլի Գրեմը եւ նրա ամուսինը՝ Ջասթին Էրվինը, հայտարարել են, որ սպասում են առաջնեկի ծնունդին։
Մոդելն այդ նորությունը երկար ժամանակ թաքցնում եր երկրպագուներից, սակայն այժմ արդեն լուսանկարներ է հրապարակում եւ ցույց տալիս՝ ինչպես է փոխվում իր մարմինը։ Instagram-յան էջում Գրեմը ցույց է տվել մերկ մարմնի մի հատվածը։
Լուսանկարում Գրեմը լայն հանրությանը ցույց է տվել ճարպային կուտակումները որովայնի եւ ձգվածքներն ազդրերի հատվածում՝ ծածկելով կուրծքը։ «Նույնպիսի, բայց ամեն դեպքում, մի փոքր տարբեր»,- հրապարակումը մակագրել է մոդելը։
Գրեմը նաեւ լուսանկար է հրապարակել, որում պատկերված է կիպ զգեստով։ Նրա կազմվածքը բոլորովին էլ իդեալական չէ, սակայն Էշլին չի ամաչում։ Կարծում ենք՝ առաջին հղիության ընթացքում նրա դեռ շատ լուսանկարներ կտեսնենք։