Համացանցում է հայտնվել մի տեսանյութ, որում Ռուսաստանը ներկայացնող բռնցքամարտիկ Հաբիբ Նուրմագոմեդովը մարզվում է արջի հետ: Մարզիկի երկրպագուներն այս առիթով կատակել են և գրել, որ Հաբիբը պետք է ռինգ դուրս գա հենց արջի հետ, ոչ թե համաձայնվի Քոնոր Մակգրեգորի առաջարկած ռևանշ-մենամարտին:
Հիշեցնենք, որ հոկտեմբերի 6-ին Լաս Վեգասում կայացած UFC 229-ի երեկոյի ընթացքում Նուրմագոմեդովը չորրորդ ռաունդում հաղթանակի էր հասել իռլանդացու նկատմամբ, որից հետո դուրս էր եկել ռինգից և հարձակվել Մակգրեգորի թիմի անդամների վրա, ովքեր ողջ մենամարտի ընթացքում վիրավորական խոսքեր էին հնչեցրել իր հասցեին: