Երբ եղանակը տատանվում է, գրիպով վարակվելու հավանականությունը բարձրանում է, բայց նաեւ պետք չէ մոռանալ, որ գրիպի հետ հաճախ ենք շփոթում մրսածությունը, հարբուխը, որը գրիպի ավելի թեթեւ արտահայտված վիճակն է: Ժողովրդական բժիշկները խորհուրդ են տալիս երկար չտառապել գրիպի պատճառով եւ անցնել բուժման՝ սխտորի եւ մեղրի միջոցով: Կարող են նաեւ սխտորի թարմ խյուսի հոտը 10-15 րոպե շնչել, կամ 8-ական կաթիլ սխտորի հյութը լցնել մեկ ճաշի գդալ կաթի մեջ, տաքացնել` գոլից մի քիչ տաք, եւ խմել: Գրիպի դեմ շատ օգտակար է սխտորի 1 գլխիկի խյուսը խառնել նույնքան մեղրի հետ եւ ուտել 1 թեյի գդալ` օրական 2 անգամ:
Փոքրիկ երեխաների համար խորհուրդ է տրվում սխտորի խյուսը կտորի մեջ դնել եւ կախել երեխայի օրորոցի կողքին: