Ֆրանսիական Louis Vuitton Moet Hennessy եւ Kering ընկերությունները հրաժարվել են շատ նիհար մոդելներից։ BBC–ի տեղեկություններով՝ նորաձեւության տները, այդ թվում՝ Christian Dior–ն ու Gucci–ն, կդադարեն շատ նիհար մոդելների վարձել պոդիումում
ցուցադրությունների համար։ Այդ քայլին ընկերությունները գնացել են այն քննադատության պատճառով, թե նորաձեւության աշխարհը խթանում է ստամոքսային խանգարումները։
Մոդելները պետք է կրեն ֆրանսիական 34 չափի հագուստ (կանայք)։ Տղամարդկանց դեպքում հագուստի չափը 44-ն է։ Ընկերությունները նաեւ հրաժարվել են մեծահասակների համար նախատեսված հագուստի ցուցադրության համար վարձակալել մինչեւ 16 տարեկան մոդելների։
«Մենք պատասխանատվություն ենք կրում նորաձեւության նոր չափանիշների համար, եւ մենք հույս ունենք, որ մեր սեկտորում մեզ կհետեւեն այլ խաղացողներ»,– ասել է LVMH–ի տնօրեն Անտուան Արնոն։
Այս երկու ֆրանսիական ընկերություններին են պատկանում նաեւ Givenchy, Yves Saint Laurent, Alexander McQueen եւ Stella McCartney ապրանքանիշերը։
Աղբյուրը՝ News.am