«Յուվենտուսի» մարզիչ Մարկո Լանդուչին մեկնաբանել է 4։3 հաշվով հաղթանակը «Ռոմայի» նկատմամբ Իտալիայի առաջնության 21-րդ տուրի խաղում։ Թուրինյան թիմի գլխավոր մարզիչ Մասիմիլիանո Ալեգրին որակազրկման պատճառով բաց էր թողել խաղը։
«Երբ այսպիսի խաղում հասնում ես հաղթանակի, ամեն ինչ շատ ավելի անհավանական է երեւում։ Լոկատելիի գոլը մեզ վերադարձրեց էնտուզիազմը, եւ մենք բեկում մտցրեցինք։ Ուրախ եմ, որ Դե Շիլյոն գոլ խփեց։ Մենք ցույց տվեցինք բնավորություն։ «Ռոմայի» դեմ խաղում 5-6 տարի կորցրեցի իմ կյանքից։ Զվարճալի կլինի, եթե բոլոր հանդիպումն այսպես ավարտվեն։ Չեմ կարող ասել, թե ով էր ընտրում փոփոխությունները։ Մենք միասին ենք աշխատում մարզչական շտաբով»,- Լանդուչիի խոսքը մեջբերում է Football Italia-ն։
Հիշեցնենք, որ «Յուվենտուսը» մինչեւ 70-րդ րոպեն պարտվում էր 1։3 հաշվով։
Իտալիայի առաջնություն, 21-րդ տուր
«Ռոմա» — «Յուվենտուս»՝ 3։4 (տեսանյութ)
Թեմի Աբրահամ, 11, Հենրիխ Մխիթարյան, 48, Լորենցո Պելեգրինի, 53 – Պաուլո Դիբալա, 18, Մանուել Լոկատելի 70, Դեյան Կուլուշեւսկի, 72, Մատիա Դե Շիլյո, 77
Չիրացրած 11մ՝ Լորենցո Պելեգրինի, 83
Հեռացում՝ Մատեյս Դե Լիգտ («Յուվենտուս»), 81, երկրորդ դեղին քարտ
