«Բարսելոնայի» ֆրանսիացի հարձակվող Ուսման Դեմբելեն համաձայնել է երկարաձգել պայմանագիրը Չավիի գլխավորած թիմի հետ, հաղորդում է Footmercato-ն։
Կողմերը դեռ չեն պայմանավորվել նոր պայմանագրի կետերի վերաբերյալ, բայց Դեմբելեն չի ցանկանում հեռանալ «Բարսելոնայից»։
Նա 2017-ին Դորտմունդի «Բորուսիայից» է տեղափոխվել «Բարսելոնա» 135 միլիոն եվրոյի դիմաց։ Պայմանագիրը նախատեսված է մինչեւ այս մրցաշրջանի ավարտը։
Transfermarkt-ը նրա տրանսֆերային արժեքը գնահատում է 50 միլիոն եվրո։ Իսպանիայի ընթացիկ առաջնությունում Դեմբելեն մասնակցել է 5 հանդիպման, կատարել 2 գոլային փոխանցում։
