Մոսկվայում դաժան ծեծի ենթարկել «Սառցե դարաշրջան» նախագծում Քսենիա Բորոդինայի զուգընկերոջը՝ Դմիտրի Սոլովյովին
Նախօրեին երեք անհայտ անձինք ծեծի են ենթարկել գեղասահաքի օլիմպիական չեմպիոն, «Սառցե դարաշրջան» նախագծում Քսենիա Բորոդինայի զուգընկեր Դմիտրի Սոլովյովին։ Մարզիկը փորձել է պաշտպանել սիրելիին, որին հետապնդել են խուլիգանները, հայտնում է StarHit-ը՝ վկայակոչելով Սոլովյովի ներկայացուցիչներին, որոնք հաստատել են մարզիկին ծեծի ենթարկելու եւ հոսպիտալացման մասին լուրերը։
«Դիման երբեք առաջինը չէր նետվի կռվի, նա շատ դաստիարակված է եւ ինտելիգենտ, նրան դրդել են։ Երեքով հարձակվել են մեկի վրա։ Փառք Աստծո, կոտրվածքներ չկան, սակայն նա ուղեղի ցնցում է ստացել, հեմատոմաներ եւ վնասվածքներ ունի։ Այս պահին բժիշկներն ամբողաջական ստուգում են իրակացնում՝ բոլոր վնասվածքներ պարզելու համար»,- մեկնաբանել է մարզիկի տնօրենը։
«Ես շոկի մեջ եմ։ Կենդանիներ։ Նրանք մարդիկ չեն։ Դիման ամենաանվնաս տղան է, որին ճանաչում եմ։ Երեք մարդ հարձակվում է մեկի վրա։ Հույս ունեմ, որ պատասխանատվության կենթարկվեք արդարացիորեն։ Գարշելի է։ Դիմա, դիմացիր։ Ամեն ինչ լավ կլինի։ Դու մարտիկ ես»,- գրել է Բորոդինան։
