Մոդրիչ. «Սա ֆուտբոլի հաղթանակն է, վերջապես այս մրցանակը բաժին չի հասնում Մեսիին և Ռոնալդուին»
Ինչպես հայտնի է, France Football-ի վարկածով տարվա լավագույն ֆուտբոլիստ ճանաչվեց «Ռեալի» և Խորվաթիայի հավաքականի կիսապաշտպան Լուկա Մոդրիչը: Ֆուտբոլիստը կարողացավ կոտրել Լիոնել Մեսիի և Կրիշտիանու Ռոնալդուի գերիշխանությունը, որոնք 10 տարի շարունակ նվաճում էին «Ոսկե գնդակը»:
«Այդ երկուսը (Մեսի և Ռոնալդու-խմբ) անհավանական մակարդակի վրա էին խաղում 10 տարի շարունակ: Հնարավոր է, որ անցած տարիների ընթացքում այս մրցանակը պետք է բաժին հասներ Չավիին, Ինիեստային և Սնեյդերին, բայց դա չպատահեց:
Չգիտեմ, վերջիվերջո, մարդիկ ինչ-որ նոր բան էին ուզում: Սա ֆուտբոլի հաղթանակն էր:
Ուրախ եմ այս մրցանակը նվաճելու համար, բայց այս մրցանակը այն խաղացողների համար է, որոնք արժանի են դրան, բայց, ցավոք, կան այնպիսիները, որոնք այն չեն ստացել»,-ասել է Մոդրիչը:
Աղբյուրը ՝ VNEWS
