Սերենա Ուիլյամսն ամուսնու նոր բիզնես նախագծի՝ հայկական կոնյակի բրենդ ստեղծելու Ուիլյամսն ամուսնու նոր բիզնես նախագծի՝ հայկական կոնյակի բրենդ ստեղծելու վերաբերյալ
Ամերիկյան Reddit սոցիալական լրատվական կայքի, Initialized Capital վենչուրային ընկերության հիմնադիր Ալեքսիս Օհանյանի կինը՝ աշխարհի լավագույն թենիսիստուհիներից մեկը համարվող Սերենա Ուիլյամսը, իր թվիթերյան էջում գրառում է արել ամուսնու նոր բիզնես նախագծի՝ հայկական կոնյակի նոր բրենդի ստեղծման վերաբերյալ:
«Այնքան եմ քեզնով հպարտանում»,-գրել է մարզուհին՝ կից հրապարակելով «Շակմատ» կոնյակի մասին ուշագրավ տեսանյութը:
Դրան ի պատասխան հայազգի միլիոնատերը խոստացել է կնոջը հայկական կոնյակի սիրահար դարձնել: Բացի այդ, Օհանյանը կնոջը շնորհակալություն է հայտնել աջակցության համար:
Հիշեցնենք, որ օրերս Օհանյանն իր պաշտոնական ֆեյսբուքյան էջում պատմել էր հայկական կոնյակի նոր բրենդի՝ «Շակմատ»-ի ստեղծման մասին: Նա մանրամասնել էր, որ կոնյակի առաջին խմբաքանակը կազմված է 2.400 օրինակից: Օհանյանի խոսքով՝ «Շակմատ» կոնյակը 23 տարվա հնեցում ունի:
Նա նկատել էր, որ հայերն իսկապես հպարտանում են իրենց կոնյակով, սակայն Հայաստանի ու հայկական համայնքի սահմաններից դուրս այն այդքան էլ ճանաչված չէ, ինչն «իսկապես ամոթ է»:
Օհանյանը նաև նշել է, որ կոնյակի արտադրության հարցում համագործակցել է Flaviar ընկերության հետ:
Մինչդեռ ԱՄՆ Հայ դատի արևմտյան շրջանի գրասենյակի պաշտոնական ֆեյսբուքյան էջում նշվում է, որ Հայոց ցեղասպանությունից մազապուրծ եղած գաղթականների ծոռը մտադիր է կոնյակի վաճառքից ստացած գումարի մի մասն ուղղել Հայաստանում անտառների վերականգնման նախագծին:
Աղբյուրը՝ Tert.am Life
