Գերմանական «ՌԲ Լեյպցիգի» գվինեացի կիսապաշտպան Նաբի Կեյտան 2018/19 մրցաշջանում հանդես կգա «Լիվերպուլի» կազմում: Այդ մասին պաշտոնապես հայտարարել է անգլիական ակումբը:
Երիտասարդ կիսապաշտպանը «Լիվերպուլի» կազմում կկրի 8 համարի մարզաշապիկը:
Կեյտան հարցազույց է տվել Liverpoolfc.com կայքին, որտեղ նշել է, թե ինչու է ընտրել հենց այս ակումբը:
«Երբ տեսա, թե ինչպես էին նրանք խաղում անցած մրցաշրջանում, ցանկություն առաջացավ լինել այդ թիմի մասնիկը: Այս ակումբի մասին շատ եմ խոսել նաև Սադիո Մանեի հետ, նա ինձ խորհուրդ տվեց տեղափոխվել «Լիվերպուլ»:
Խոսել եմ նաև մարզչի հետ, և նա պատմեց թիմի նպատակների մասին և մոտիվացրեց ինձ»,- ասել է Նաբի Կեյտան:
23-ամյա կիսապաշտպանը նախորդ երկու մրցաշրջաններում 71 խաղ է անցկացրել և դարձել է 17 գոլի հեղինակ:
Public.am
