Ողջ–ողջ թաղել են. Ավստրիացի ինֆլյուենսերի մահվան սարսափելի մանրամասները ցնցել են քննիչներին

Ավստրիացի ինֆլյուենսեր Ստեֆանի Պիպերը, հնարավոր է, կենդանի է եղել, երբ մարդասպանը փորձել է թաքցնել նրա մարմինը՝ այն դնելով ճամպրուկի մեջ և թաղելով, հայտնել են իրավապահ մարմինները։

Քննիչների խոսքով՝ 32-ամյա կինը դեմքի վնասվածքներ է ստացել, որոնք կարող էին առաջանալ ճամպրուկից դուրս գալու փորձի ժամանակ, որը, ըստ էության, դարձել էր նրա դագաղը։

Գրացի դատախազությունը հայտարարել է, որ չի կարելի բացառել, որ Պիպերը կենդանի է եղել, երբ նրան դրել են ճամպրուկի մեջ։ Սակայն մահվան ճշգրիտ ժամանակը չի կարող որոշվել։ Քննիչները նաև ենթադրում են, որ նրան կարող են խեղդամահ արված լինել նախապես։

Աղջկա մարմինը հայտնաբերվել է ենթադրյալ սպանությունից մոտ մեկ շաբաթ անց։ Սկզբում մահվան պատճառը համարվում էր խեղդամահ լինելը։

Պիպերին վերջին անգամ կենդանի տեսել են նոյեմբերի 23-ին Սուրբ Ծննդյան երեկույթի ժամանակ։ Դուրս գալուց հետո նա ընկերոջը անհանգստացնող հաղորդագրություններ է ուղարկել «մուտքում գտնվող սարսափելի տղամարդու» մասին։ Հաջորդ օրը նա չի ներկայացել նախատեսված լուսանկարահանմանը, որից հետո լուսանկարիչը կապ է հաստատել ոստիկանության հետ։ Նրա նախկին ընկերը՝ Պատրիկ Մ.-ն, դարձել է գլխավոր կասկածյալը։ Նա ձերբակալվել է աղջկա անհետացումից կարճ ժամանակ անց։

Ավելի ուշ նա ցույց է տվել Սլովենիայի անտառում գտնվող վայրը, որտեղ հայտնաբերվել է Պիպերի մարմինը։

Լրատվամիջոցների հաղորդագրությունների համաձայն՝ տղամարդը խոստովանել է հանցագործությունը։ Նրա փաստաբանը նշել է, որ սպանության պահին նա կոկաինի ազդեցության տակ է եղել և այժմ լիովին կոտրված է միջադեպից։

Կասկածյալը արտահանձնվել է Ավստրիա, որտեղ նա կալանքի տակ է։ Դատավարությունը սպասվում է այս տարի։