Երբ ձեր հեռախոսը «արեւահարվում է» ձեզ հետ միասին. ապագայի պատյան՝ Skincase

Ֆրանսիացի հետազոտող Մարկ Թեյսիեն և Virgin Media O2-ը միավորվել են՝ ներկայացնելու ամռան ամենատարօրինակ և ամենաօգտակար գաջեթներից մեկը՝ Skincase-ը՝ սմարթֆոնի պատյան, որը նման է իրական մարդու մաշկին։

Սարսափելի է հնչում, այդպես չէ՞։ Այո՛։ Բայց գաղափարը հիանալի է. երբ դուք ենթարկվում եք ուլտրամանուշակագույն լույսի, Skincase-ի մակերեսը սկսում է «այրվել» իրական ժամանակում։ Այսպիսով, պատյանը հստակ ցույց է տալիս, որ ժամանակն է քսել արևապաշտպան քսուք՝ ոչ միայն ձեզ, այլև ձեր հեռախոսին։

«Իմ աշխատանքը հաճախ նպատակ ունի մեր թվային աշխարհը կապել մարմնի խնամքի հետ։ Skincase-ը փայլուն օրինակ է այն բանի, թե ինչպես կարող է տեխնոլոգիան խթանել առողջ ապրելակերպին և դրական փոփոխություններին»,-ասել է Թեյսիեն մամուլի հաղորդագրության մեջ։

Skincase-ը ամբողջությամբ սինթետիկ է. սիլիկոնային «մաշկը» լրացված է ուլտրամանուշակագույն ճառագայթների նկատմամբ զգայուն տարրերով։ Պատյանը ստեղծվել է 3D տպագրության, ձեռքով քանդակագործության և նույնիսկ յուրաքանչյուր կնճիռի համար անհատական փորագրության միջոցով՝ առավելագույն ռեալիզմի համար։

Պատյանը գալիս է մաշկի երեք երանգներով, որոնցից յուրաքանչյուրը տարբեր կերպ է արձագանքում արևին, դառնում է ավելի մուգ կամ կարմրավուն, երբ ենթարկվում է ուլտրամանուշակագույն ճառագայթների բարձր մակարդակի։

Virgin Media O2-ը նշում է, որ գաղափարը ծագել է հետազոտություններից, որոնք ցույց են տալիս, որ մարդիկ օրական տասնյակ անգամ ստուգում են իրենց հեռախոսները, բայց մոռանում են նույնքան հաճախ քսել արևի ճառագայթներից պաշտպանող քսուքը։

«Մենք ցանկանում ենք ընդգծել, թե որքան վտանգավոր է արևի տակ մնալը և հիշեցնել հանգստացողներին մաշկը պաշտպանելու կարևորության մասին», — ասում է ընկերության գլխավոր կոմերցիոն տնօրեն Քրիս Հինդենախը։