Ակնկալվում է, որ առաջիկա երկու տասնամյակների ընթացքում աշխարհի ամենահարուստ մարդկանց ժառանգները զգալիորեն կհարստանան։ Մինչև 2045 թվականը մոտ 84 տրիլիոն դոլար ձեռքից ձեռք կփոխանցվի, ինչը համարվում է պատմության մեջ հարստության ամենամեծ միջսերնդային փոխանցումը, սակայն ոչ բոլոր միլիարդատերերն են մասնակցում դրան:
Օրինակ՝ Լորեն Փաուել Ջոբսը, որի բազմամիլիարդանոց կարողությունը հիմնականում բաղկացած է Apple-ի և The Walt Disney ընկերության բաժնետոմսերից, որոնք ժառանգել է իր հանգուցյալ ամուսին Սթիվ Ջոբսից, նախկինում ասել է, որ «անհատների կողմից հսկայական հարստություն կուտակելը սխալ է»: Միևնույն ժամանակ, Berkshire Hathaway-ի ղեկավար Ուորեն Բաֆեթը գրել է մի կտակ, ըստ որի իր երեխաները կժառանգեն բարեգործական հիմնադրամ, որը պետք է բաժանվի մեկ տասնամյակի ընթացքում, այլ ոչ թե հսկայական գումար:
Թերևս այս մոտեցման ամենաակնառու օրինակը Չակ Ֆինին էր՝ նշանավոր բարերար, ով մահացավ 2023 թվականի հոկտեմբերին՝ ունենալով ընդամենը 2 միլիոն դոլար, չնայած որ ժամանակին մոտ 8 միլիարդ դոլարի կարողություն էր կուտակել: Ֆինին, ով իր հարստությունը վաստակել է անմաքս առևտուրից, տասնամյակներ շարունակ տրամադրում էր իր գումարի մեծ մասը Atlantics բարեգործական հիմնադրամին: «Դա էքսցենտրիկ քայլ էր, բայց նա պաշտպանեց մեզ այն մարդկանցից, ովքեր փող էին օգտագործում մեզ հետ այլ կերպ վարվելու համար»,-ասել է Ֆինիի հինգ երեխաներից մեկը 2007 թվականին տված հարցազրույցում: «Դա մեզ նորմալ մարդ դարձրեց».
Մարկ Ցուկերբերգը՝ Meta Platforms-ի հիմնադիրը և նրա կինը՝ Պրիսցիլա Չանը, 204,5 միլիարդ կարողությամբ, մտադիր են իրենց բաժնետոմսերի 99 տոկոսը տալ Meta-ին։ 2015 թվականին իրենց առաջնեկի ծնվելուց անմիջապես հետո զույգը հայտարարեց, որ մտադիր է այդ միջոցները օգտագործել հավասարության, բժշկական նորարարության և կրթության համար՝ Չան Ցուկերբերգի նախաձեռնության միջոցով, որը 2015 թվականի սկզբից ի վեր տրամադրել է ավելի քան 6,9 միլիարդ դոլար դրամաշնորհ:
Լորեն Փաուել Ջոբս
Մոտավորապես 14,9 միլիարդ դոլար ունեցող Լոուրեն Փաուել Ջոբսը չի պատրաստվում այն տալ իր երեք երեխաներին: «Ինձ չի հետաքրքրում ժառանգական հարստության կուտակումը, և իմ երեխաները դա գիտեն», — ասել է նա The New York Times-ին 2020 թվականին: Իր հարստությունը երեխաներին փոխանցելու փոխարեն Փաուել Ջոբսը մտադիր է իր գումարները բաշխել «մարդկանց և համայնքներին՝ կայուն կերպով օգնելու նպատակով»: Դրա մեծ մասը հավանաբար կկատարվի նրա կազմակերպության՝ Emerson Collective-ի միջոցով:
Իվոն Շուինար
Իվոն Շուինարը՝ բացօթյա պարագաների մանրածախ վաճառքի Patagonia-ի հիմնադիրը, ժամանակին միլիարդատեր էր՝ 1,2 միլիարդ դոլար կարողությամբ: Նա հրաժարվեց իր տասը նիշանոց կարողությունից 2022 թվականի սեպտեմբերին, երբ որոշեց իր ընկերությունը ներդնել վստահության և շահույթ չհետապնդող մի կազմակերպության, որը զբաղվում էր բնապահպանական խնդիրներով: Պատագոնիայի մեծ մասն այժմ պատկանում է ոչ առևտրային Holdfast Collective կազմակերպությանը, որը տարեկան 100 միլիոն դոլար կհատկացնի կլիմայի փոփոխության դեմ պայքարելու համար:
Շուինարի երկու երեխաները դեր են խաղացել իրենց հոր հսկայական հարստության ճակատագիրը որոշելու գործում։ Երբ Patagonia-ի հիմնադիրը մտածում էր իր ընկերությունը թողնել իր ժառանգներին, երեխաներն իրենք ասացին, որ դա չեն ցանկանում:
Մայքլ Բլումբերգ
Մայքլ Բլումբերգը Bloomberg L.P-ի հիմնադիրն է, չնայած նա կուտակել է 104,7 միլիարդ դոլար կարողություն, մտադիր չէ այդ հարստությունը փոխանցել իր երկու երեխաներին: Անցյալ տարի նա հայտարարեց, որ իր ընկերությունը, ի վերջո, կհավատարմագրվի, որպեսզի ֆինանսավորի Bloomberg Philanthropies-ին:
Միլիարդատերը նախկինում նաև դեմ է արտահայտվել նաեւ այն փաստին, որ հարուստներն իրենց երեխաներին են վարձում՝ ասելով, որ երբեք թույլ չի տա իր դուստրերին աշխատել իր ընկերությունում, քանի որ դա անարդար կլինի մյուս աշխատակիցների նկատմամբ:
Բիլ Գեյթս
Թեև նա իր Microsoft-ի (MSFT) բաժնետոմսերի մեծ մասն ուղղել է ֆինանսավորելու իր բարեգործական՝ Գեյթս հիմնադրամը, Բիլ Գեյթսը դեռևս ունի մոտ 105,3 միլիարդ դոլար: Բայց նրա երեք երեխաները դրա մեծ մասը չեն ստանա: Միլիարդատերը երկար ժամանակ պնդել է, որ իր երեխաները չեն ստանա իր հսկայական կարողությունը, նրանց կտրվի իր ունեցվածքի «փոքր մասը» և նրանք «ստիպված կլինեն ինքնուրույն գտնել իրենց ճանապարհը»:
Ուորեն Բաֆեթ
1980-ականներին տված հարցազրույցում Բաֆեթն ասել է, որ իր երեք երեխաները «կստեղծեն իրենց տեղը աշխարհում»: Հսկայական գումարներ հանձնելը «միայն այն պատճառով, որ նրանք ճիշտ արգանդից են ծնվել», «հակասոցիալական գործողություն է», ասել է Berkshire Hathaway-ի հիմնադիրը, որի կարողությունը գնահատվում է 142,5 միլիարդ դոլար: Բաֆեթը տասնամյակներ շարունակ պահպանել է այս դիրքորոշումը՝ հայտարարելով, որ գերհարուստ ընտանիքները պետք է «թողնեն իրենց երեխաներին ինքնուրույն անել ամեն ինչ, բայց ոչ այնքան, որ նրանք չկարողանան որևէ բան անել»:
Այս տարվա սկզբին նա բացահայտեց իր մահից հետո իր ունեցվածքը բարեգործական հիմնադրամում ներդնելու ծրագրերը, որը կվերահսկեն նրա երեխաները, որոնք պետք է միաձայն համաձայնության գան, թե որտեղ պետք է նվիրաբերեն գումարը տասը տարվա ընթացքում:
