Քաղցկեղի դեպքում վերահսկիչ կետերի ինհիբացումը նվազեցնում է վարակների հանդեպ դիմացկունությունը. Immunity
Գարվանի բժշկական հետազոտությունների ինստիտուտի եւ այլ գիտական հաստատությունների ավստրալացի գիտնականները գտել են իմունաթերապիայով քաղցկեղի բուժման կողմնակի ազդեցությունների պատճառը վերահսկիչ կետերի ինհիբիտորների օգտագործմամբ։ Հոդվածը հրապարակվել է Immunity գիտական ամսագրում։
«Իմունային պատասխանի վերահսկիչ կետերի ինհիբիտորներով թերապիան հեղափոխություն է առաջացրել քաղցկեղի բուժման ոլորտում՝ թույլ տալով Т-բջիջներին ավելի արդյունավետ գրոհել ուռուցքները եւ քաղցկեղի բջիջները։
Բայց կողմնակի ազդեցությունները բացառել չի հաջողվել։ Օրինակ, օնկոլոգիական հիվանդների գրեթե 20 տոկոսի մոտ վերահսկիչ կետերի ինհիբիտորներով բուժումից հետո բարձրացել է վարակների հաճախակիությունը»,- նշել է հետազոտության համահեղինակ, պրոֆեսոր Սթյուարտ Թանգին։
Արդյունքները ցույց են տվել, որ չնայած վերահսկիչ կետերի ինհիբիտորները ուժեղացնում են հակաքաղցկեղային իմունիտետը, դրանք նաեւ կարող են թուլացնել В-բջիջները, որոնք իմունային համակարգի բջիջներն են, որոնք արտադրում են հակամարմիններ տարածված վարակներից պաշտպանելու համար։
Հետազոտողները կենտրոնացել են PD-1 մոլեկուլի վրա, որն աշխատում է որպես «ձեռքի արգելակ» իմունային համակարգի համար՝ կանխելով Т-բջիջների չափից ավելի ակտիվությունը։ Վերահսկիչ կետերի ինհիբիտորներով թերապիան աշխատում է՝ գործադրելով այդ մոլեկուլյար արգելակիչը, որպեսզի բարձրացնի քաղցկեղի դեմ պայքարելու իմունային համակարգի ունակությունը։
Գիտնականները հայտնաբերել են, որ PD-1-ի խախտված կամ բացակայող ակտիվությունը զգալիորեն իջեցնում է հակամարմինների բազմազանությունը եւ որակը, որոնք արտադրում են հիշողության B բջիջները՝ երկար ապրող իմունային բջիջներ, որոնք «հիշում» են անցած վարակները։
Մասնագետները նշել են, որ ստացված արդյունքները ընդգծում են այն պացիենտների В-բջիջների ֆունկցիան վերահսկելու անհրաժեշտությունը բժիշկների համար, որոնք ստացել են վերահսկիչ կետերի ինհիբիտորներ, եւ նշում են կանխարգելիչ միջոցների անհրաժեշտության մասին վարակների բարձր ռիսկի ենթակա անձանց համար։
