Bozar ռեստորանի շեֆ-խոհարար Կարեն Թորոսյանն արժանացել է միջազգային մրցանակի՝ երկու դանակ Best Chef’s Awards համաշխարհային վարկանիշից
Բրյուսելի Bozar ռեստորանի շեֆ-խոհարար Կարեն Թորոսյանն արժանացել է միջազգային մրցանակի՝ երկու դանակ Best Chef’s Awards համաշխարհային վարկանիշից։
Կարեն Թորոսյանը երկար տարիներ եղել է Bozar ռեստորանի առաջատար խոհարարը։ Խիստ և պահանջկոտ խոհարարը վերաիմաստավորում է դասական բաղադրատոմսերը՝ տալով նրանց իր անձնական մոտեցումն ու տեսլականը: Երկար ժամանակ նա համբերատար ու բարեխղճորեն զարգացնում էր իր ռեստորանային ու նորարարական խոհանոցը։ Նրա ռեստորանը արժանացել է երկու Միշլեն աստղի։
«Մեծ հպարտությամբ և երախտագիտությամբ մենք ստացանք 2 դանակ @thebestchefawards 2024-ից։
Այս ճանաչումն արտացոլում է ողջ թիմի կիրքը և այն նվիրումը, որը մենք դնում ենք մեր խոհանոցի տեսլականը բարելավելու համար ամեն օր: Շնորհակալություն մեր անհավանական թիմին և բոլորին, ովքեր աջակցում են մեզ»,- գրել է Թորոսյանը Instagram-ի իր էջում։
«Երկու դանակ» մրցանակը նշանակում է համաշխարհային դասի կարգավիճակ և շնորհվում է նրանց, ովքեր կհավաքեն առավելագույն միավորից 40% կամ ավելի:
