«Գրեմմի»-ի դափնեկիր 66-ամյա փոփ աստղ Մադոննան Instagram-ում կիսվել է իր կյանքի պատմությունն էկրանին ներկայացնելու մասին վերջին նորությամբ եւ առաջարկեց, որ նա նույնիսկ հնարավոր է ֆիլմից տեղափոխվի հեռուստադաշտ:
«Լոս Անջելեսում օրեր շարունակ պայքարելուց հետո, լսելով պրոդյուսերներին եւ գործակալներին, չգիտեմ, թե ինչու չկարողացա նկարահանել իմ ֆիլմը… Ես հասկացա, որ իմ կյանքում ամեն ինչ մարտահրավերի է նման»,- գրել է նա իր եւ ընկերների՝ դիզայներ Վիլլի Չավարիայի, նկարիչ Ջես Կուեւասի եւ Նադիա Լի Կոենի լուսանկարների հրապարակման ներքո:
«Ինձ համար հեշտ ճանապարհ չկա: Կարծում եմ, որ պետք է երախտապարտ լինեմ… Դա ինձ ստիպում է մտածել շրջանակից դուրս: Ես նորմալ կյանք չունեմ»,- շարունակել երգչուհին։
«Ես չեմ կարող ինչ-որ բան անել սովորական ձեւով: Ստեղծագործ ընկերներիս հետ ժամանակ անցկացնելն այն լիցքն էր, որն ինձ անհրաժեշտ էր շարունակելու համար: Մենք բոլորս համաձայնեցինք, որ մենք պետք է ավելի անվախ լինենք: Մենք չենք կարող փոքրանալ եւ մեզ փոքրացնել։ Եթե դուք ինչ-որ բան շատ եք ուզում կյանքում, ամբողջ տիեզերքը կօգնի ձեզ դա ստանալ»,-հավելել է նա:
Այնուհետեւ Մադոննան հարց է ուղղել իր 19,8 միլիոն հետեւորդներին. «Իմ կյանքի պատմությունը վերածեմ սերիալի՞, թե՞ գեղարվեստական ֆիլմի․ Մտածեք նախքան պատասխանելը»:
Արձագանքները, կարծես, կիսվել են, շատերը կոչ են անում ֆիլմ նկարահանել, մինչդեռ մյուսները ցանկանում են տեսնել նրա կյանքի պատմության ավելի երկար տարբերակով՝ սերիալի տեսքով, հաղորդում է People.com-ը:
