«Անորա» ֆիլմի գաղափարը, որին «Օսկար» են կանխատեսում եւ որում նկարահանվել են հայ դերասաններ Կարեն Կարագուլյանը (Karren Karagulian) եւ Վաչե Թովմասյանը, փայփայվում էր մոտ 20 տարի։
Ռեժիսոր Շոն Բեյքերը եւ Կարագուլյանն ընկերություն են անում արդեն ավելի քան 25 տարի։ Կարենը նկարահանվել է Շոնի ամեն մի ֆիլմում։ Երկար ժամանակ նրանք փայփայում էին Բրայթոն-Բիչի ռուս-հայկական համայնքի մասին գրելու գաղափարը, որովհետեւ Կարենը կապեր ունի այդ համայնքի հետ, իսկ նրա կինը ռուս է, որն ապրում է Ամերիկայում (նա անգամ խաղացել է նրա կերպարի կնոջ դերը եկեղեցական տեսարանում)։
Շոնը եւ Կարենը մի անգամ նույնիսկ սցենար են գրել կատակերգական ֆիլմի համար այդ համայնքի ընկերների մասին, որն այդպես էլ չի նկարահանվել։ Միայն Շոնի «Կարմիր հրթիռ» ֆիլմից հետո (2021թ.) նա որոշեց, որ եկել է այդ գաղափարին վերադառնալու ժամանակը, եւ այդ ժամանակ նրանք մտահղացան «Անորան»։
Հայ դերասան Վաչե Թովմասյանին ֆիլմի համար ներգրավել է Կարագուլյանը, որը նրա ստենդափի երկրպագուն էր։
Թովմասյանի խոսքով՝ իրեն զանգահարել է Շոն Բեյքերը եւ պատմել, որ տեսել է նրա կատակերգությունն այն բանից հետո, երբ Կարենը նրան առաջարկել է ֆիլմում նկարահանվելու համար։ Հետո Վաչեն փնտրել է Կարենին սոցիալական ցանցերում եւ հայտնաբերել, որ նա իրեն հաղորդագրություն է գրել դրանից հինգ տարի առաջ՝ գովելով նրա կատակերգությունը։ Դրանից հետո Վաչեն պատասխանել է Կարենի հաղորդագրությանը։
