Ադելը լաց է եղել, երբ Լաս Վեգասում իր համերգի ժամանակ անսպասելիորեն հանդիպել է Սելին Դիոնին։ Ինչպես հայտնում է Fox News-ը, բրիտանացի փոփ աստղը չի կարողացել զսպել էմոցիաները «When We Were Young» երգը կատարելիս։
Վիրուսային տեսանյութում Ադելը երգում է Caesar’s Palace-ի տարբեր հատվածներում՝ նախքան ամբոխի մեջ Սելին Դիոնին նկատելը: Աստղը, ըստ երևույթին, հարցնում է իր անվտանգության աշխատակիցներին՝ «Որտե՞ղ է նա»:
Տեսնելով Դիոնին՝ Ադելը արտասվել է։
Երկու կենդանի լեգենդները գրկել են միմյանց, մինչ Ադելը կփորձեր շարունակել իր ելույթը։ Այլընտրանքային տեսանյութում երեւում է, որ Դիոնը եւս լալիս է:
Ադելը փորձել է վերադառնալ երգին, բայց զգացմունքներն այնքան են խեղել, որ նա խնդրել է հանդիսատեսին օգնել իրեն։ Ամբոխը հիացմունքի մեջ է հայտնվել, երբ Դիոնը ի վերջո, վեր է կացել տեղից և ձեռքով արել դահլիճին:
