Կրիշտիանու Ռոնալդուն բաժանվելու դեպքում Ջորջինա Ռոդրիգեսին ամեն ամիս պետք է կլորիկ գումար վճարի

Կրիշտիանու Ռոնալդուն բաժանվելու դեպքում ամեն ամիս ստիպված կլինի կլորիկ գումար վճարել իր սիրելիին՝ Ջորջինա Ռոդրիգեսին։

39-ամյա Ռոնալդուն հպարտանում է մոտ 500 միլիոն ֆունտ ստերլինգ կարողությամբ: Ինչպես նաև լինելով աշխարհի ամենաբարձր վարձատրվող մարզիկը` Սաուդյան Արաբիայում տարեկան 173 միլիոն ֆունտ ստեռլինգ վաստակելով, նա նաև միլիոններ է վաստակում տարբեր հովանավորչական գործարքների միջոցով:

Սակայն նա ստիպված կլինի բաժանվել իր հսկայական եկամտի մի մասից, եթե ինքն ու Ջորջինան բաժանվեն։ Ըստ պորտուգալական TV GUIA ամսագրի՝ զույգի միջև կնքված համաձայնագիրը պաշտպանում է ֆուտբոլիստի ունեցվածքը՝ միաժամանակ երաշխավորելով նրա զուգընկերոջ և նրա երկու երեխաների մոր կայունությունը նրանց բաժանման դեպքում։

Եթե նրանք բաժանվեն, 30-ամյա Ջորջինան ամսական ավելի քան 85,000 ֆունտ ստեռլինգ վճարում կստանա ամբողջ կյանքի ընթացքում: Պարբերականը պնդում է, որ այս համաձայնությունը ձեռք է բերվել նրանց առաջին դստեր՝ Ալանա Մարտինայի ծնվելուց հետո։

Պայմանագրում նշվում է, որ Ջորջինան կդառնա նաև Ռոնալդուի առանձնատան սեփականատերը, որը գտնվում է Մադրիդի բացառիկ La Finca տարածքում: Գույքի մակերեսը կազմում է 950 քառակուսի մետր՝ 4000 քառակուսի մետր տարածքով Պոզուելո թանկարժեք տարածքում, որը Ռոնալդուն գնել է 2010 թվականին 5 միլիոն եվրոյով:

Չնայած տարածված լուրերին, զույգը դեռ հրապարակավ չի հայտարարել իր պաշտոնական ամուսնության մասին։ Ռոնալդուն բամբասանքների տեղիք է տվել՝ Ջորջինային մի քանի անգամ իր կինն անվանելով։