Դեն Բիլզերյանը Լաս Վեգասի իր՝ 25 միլիոն դոլար արժողությամբ առանձնատունը վաճառքի է հանել: Շքեղ առանձնատունը, որն ինքը Բիլզերյանն անվանում է «մեծահասակների խաղահրապարակ», ներկայումս համարվում է Sin City-ի ամենաթանկ առանձնատունը:
Այն ունի յոթ ննջասենյակ և 14 լոգասենյակ։ Բացի այդ, կա մագլցման պատով լողավազան, տնային կինոթատրոն և ավտոտնակ՝ 16 մեքենայի համար նախատեսված տարածքով։ Ըստ ցանկի, ընդարձակ՝ 3700 քառակուսի մետրանոց առանձնատունն ունի նաև տափօղակով հոկեյի սահադաշտ, գոլֆի գերժամանակակից սիմուլյատոր, ջիու-ջիցու սենյակ և այլն, և իհարկե պոկերի սենյակ:
Ըստ TMZ-ի՝ 43-ամյա Բիլզերյանը որոշել է վաճառել իր առանձնատունը, քանի որ այլևս չի ցանկանում մշտական բնակություն ունենալ ԱՄՆ-ում և փոխարենը ներդրումներ է կատարում Բալիում և Դուբայում անշարժ գույքի մեջ։
