Շոն Փենին շաբաթ օրը նկատել են Մադրիդում իր նոր ընկերուհու՝ Վալերիա Նիկովի հետ կրքոտ համբուրվելիս, հայտնում է Daily Mail-ը։
64-ամյա դերասանի դեմքին լայն ժպիտ էր երեւում, երբ նա Իսպանիայի փողոցներով զբոսնում էր 30-ամյա մոլդովացի դերասանուհու հետ:
Ծխախոտը ծխելու ընդմիջումներին աստղը ջերմ շփվում էր դերասանուհու հետ, ով հայտնի է մի քանի փոքր նախագծերից:
Ընթրիքից հետո կրկնակի օսկարակիրը, ով հերքում է այն պնդումները, որ ֆիզիկական բռնության է ենթարկել իր նախկին կնոջը՝ Մադոննային, որի հետ ամուսնացած էր 80-ականներին, շարունակել է գիշերն իր նոր սիրելիի հետ, եւ նրանք, կարծես, չեն կարողացել միմյանցից հեռու մնալ։
Երկու տարի առաջ դերասանը բաժանվել էր իր նախկին կնոջից՝ 32-ամյա ավստրալացի դերասանուհի Լեյլա Ջորջից, որի հետ ամուսնացած է եղել երկու տարի:
