Նյու Յորքի բարձրաշխարհիկ հասարակությանը մատների վրա պտտեցրած խաբեբա Աննա Դելվին վերադարձել է Մանհեթեն

Խաբեբա Աննա Դելվին վերադարձել է Մանհեթեն, տեղեկացրել է Page Six-ը։

Աննան հայտնի է նրանով, որ ներկայացել է որպես հարուստ արիստոկրատուհի եւ փորձել խաբել ոչինչ չկասկածող ընկերություններին, որպեսզի նրանք ներդրումներ կատարեն իր վիթխարի ծրագրերում եւ ֆինանսավորեն իր շքեղ ապրելակերպը։

Հիմա նա կրել է պատիժը եւ նորից վերադառնում է որպես օրինական PR-մենեջեր, որը նպատակ ունի հիմնել մեդիա-կայսրություն։
Նախկին «կեղծ հարուստ ժառանգորդուհին» տնային կալանքի տակ է 2022թ. հոկտեմբերից, բանտից ազատվելուց հետո։ Սակայն դատավորը թույլ է տվել, որպեսզի նա ազատ շարժվի քաղաքում, հենց ճիշտ ժամանակին, որպեսզի վաստակ ունենա Նյու Յորքում իր առաջին Նորաձեւության շաբաթում։
Դելվին, որը ծնվել է ԽՍՀՄ-ում (Աննա Սորոկինա), 16 տարեկանում տեղափոխվել է Գերմանիա, հիմնել PR-գործակալություն արդյունաբերության լեգենդ Քելի Քատրոնի հետ։

Աղբյուրների խոսքով՝ Դելվիին տվել են սոցիալական ապահովագրության համար, ուստի նա կարող է պաշտոնապես եւ օրինականորեն աշխատել, այնպես որ OutLaw գործակալությունը այժմ լիովին գործող բիզնես է։ Ինչը նշանակում է, որ խաբեբա Աննա Սորոկինան հիմա դարձել է մոդայի պրոֆեսիոնալ Աննա Դելվի։

OutLaw-ն եւ Քատրոնի սեփական ընկերությունը՝ People’s Revolution-ը, վարձակալում են  տարածք Չելսիի Altman շենքում, մոդայի շաբաթ անցկացնելու համար, որտեղ կազմակերպելու են ցուցադրություններ մի շարք հաճախորդների համար։

Դելվին տեխնիկապես դեռ տնային կալանքի տակ է, բայց այժմ նրան թույլատրված է ազատ տեղաշարժվել իր տնից 75 մղոն հեռավորությամբ։

Նրան կոչել են «Կեղծ ժառանգորդուհի» այն բանից հետո, երբ նա ներկայացել է որպես գերմանացի արիստոկրատուհի եւ փող է կորզել իր շքեղ կյանքի համար։ Նա նաեւ 2013-2017 թվականներին խաբել է շքեղ հյուրանոցների (ավելի քան 250 000 դոլարի)։

Դելվին ձերբակալվել է 2017 թ-ին եւ երկու տարի անցկացրել բանտում։ Ազատ արձակվելուց հետո վերցվել է ԱՄՆ իմիգրացիոն եւ մաքսային ոստիկանության կալանքի, իսկ հետո՝ տնային կալանքի տակ։
Խաբեբան դարձել է Netflix-ի «Հայտնագործելով Աննային» սերիալի նախատիպը։