5 իրական շինություն, որոնք ասես ֆենթեզի ժանրի գրքերից լինեն. դրանցից մեկը Հայաստանում է (լուսանկար)
Ֆենթեզի աշխարհները ոգեշնչում են բազմաթիվ արվեստագետների, այդ թվում՝ ճարտարապետների և դիզայներների: Շենքերը, որոնք NEWS.am Tech-ը հավաքել է այսօրվա ընտրանիում, ասես ակնհայտորեն ոգեշնչված լինեն հեքիաթներից ու ֆենթեզի ժանրի գործերից։
1. The Sagrada Familia, Բարսելոնա, Իսպանիա
Հայտնի ճարտարապետ Անտոնիո Գաուդիի նախագծով կառուցված շենքը նման է ֆենթեզի ամրոցի՝ սրածայր աշտարակներով և քանդակագործական դեկորացիաներով։ Անշուշտ, սրանք այն ամրոցներն են, որոնք պատկերացրել են բազմաթիվ հեքիաթների և ֆենթեզի ժանրի ստեղծագործությունների հեղինակները:
![](https://public.am/wp-content/uploads/2024/05/image-39.png)
2. Cozy House, Դիլիջան, Հայաստան
Cozy House-ը հյուրանոց է Հայաստանի Դիլիջան քաղաքում, որը բաղկացած է փոքրիկ տնակներից է, ինչպես «Մատանիների տիրակալի» հոբիթների փոսերն են: Կլոր պատուհաններ և դռներ, կոր պատեր, հարմարավետ, յուրահատուկ մթնոլորտ ստեղծող ինտերիեր։ Թերևս հենց այսպես է Ջոն Տոլքինը պատկերացրել է հոբիթների տները:
![](https://public.am/wp-content/uploads/2024/05/image-40.png)
3. The Casa Batlló, Բարսելոնա, Իսպանիա
Մեկ այլ շենք, որը ստեղծել է ճարտարապետ Անտոնիո Գաուդին, առանձնանում է անսովոր և լուսավոր ֆասադով, որը վիշապի թեփուկներ հիշեցնող պատուհաններ և պատշգամբներ ունի։
![](https://public.am/wp-content/uploads/2024/05/image-43.png)
4. The Bosco Verticale (Vertical Forest), Միլան, Իտալիա
Stefano Boeri Architetti ընկերության այս հետաքրքիր նախագիծը բաղկացած է երկու «կանաչ» շենքերից, որոնք ծածկված են ավելի քան 20,000 բույսերով և ծառերով: Էլֆերը, որոնք հայտնի են բնության հանդեպ իրենց սիրով, անշուշտ, կգնահատեին նման շենքերը։
![](https://public.am/wp-content/uploads/2024/05/image-44.png)
5. The Kunsthaus Wien (Museum of Modern Art), Վիեննա, Ավստրիա
Այս թանգարանի շենքը կարծես դուրս է եկել ինչ-որ հեքիաթի կամ ֆենթեզի ժանրով ստեղծագործության գրքի էջերից։ Վառ գունավորված պատուհաններ, հետաքրքիր դիզայն՝ շենքի ֆասադն անընդհատ նայելու ցանկություն է առաջացնում։
![](https://public.am/wp-content/uploads/2024/05/image-46.png)