Variety-ին տված հարցազրույցում ռեժիսոր Վուդի Ալենը հաստատել է իր 50-ամյա հոբելյանական «Մեծ հեգնանք» ֆիլմի պրեմիերայից հետո մասնագիտությունից հեռանալու իր ծրագրերը: Այս մասին ռեժիսորը հայտնել է Variety-ին տված հարցազրույցում։
«Ես այնքան շատ գաղափարներ ունեմ ֆիլմերի համար, որ գայթակղվում եմ անել դրանք, եթե հեշտ ֆինանսավորվեն: Սակայն բացի դրանից, ես չգիտեմ, թե դեռ ուժ ունեմ փողոց դուրս գալու եւ գումար հայթայթելու համար», — կիսվել է Ալենը:
Ռեժիսորի թոշակի անցնելու մասին առաջին խոսակցությունները հայտնի են դարձել «Հեգնանք»-ի նկարահանումների ժամանակ։ Ֆիլմն ամբողջությամբ նկարահանվել է ֆրանսերենով եւ պատմում է երկու սիրահարների մասին, որոնց սիրավեպը վերածվում է գոյատեւման վտանգավոր խաղի։ Համաշխարհային պրեմիերան կկայանա այսօր Վենետիկի կինոփառատոնում։
Հարցազրույցում Ալենը խոսել է նաեւ «չեղարկման մշակույթ» երեւույթի մասին։ Նրա ֆիլմերը դադարել են տարածվել Միացյալ Նահանգներում իր իսկ դստեր՝ Դիլան Ֆերոուի բռնաբարության մեղադրանքների պատճառով, որոնք իբր տեղի են ունեցել 1990-ականների սկզբին:
«Ինձ համար դա անմտություն է։ Եվ ես չեմ մտածում դրա մասին: Ես չգիտեմ, թե ինչ է նշանակում չեղյալ հայտարարել: Տարիների ընթացքում ինձ համար ոչինչ չի փոխվել։ Ես ֆիլմեր եմ նկարում։ Փոխվել է միայն դրանց ներկայացումը»։
