«Ցավոք, վերջին տարիներին Սփյուռքը քայքայված է։ Ռուսաստանում գործում են մոտ 400 կազմակերպություններ, որոքն երկար չեն կարողանում գոյատևել։ Ռուսաստանի հայերի միությանը չեն կարողանում կպնել, մյուսները փակվում-վերանում են։ Մեր ազգի միակ բացասական բանն այն է, որ մեկը մյուսին արժեզրկում են։ Սոցիալական կայքերում նստած փորձում են ուրիշներին փնովել: Դա հիվանդություն է, թե ինչ՝ չեմ կարող ասել: Նման ձևով մենք ոչ մի բանի չենք հասնի»,- այս մասին այսօր հրավիրված աուլիսի ժամանակ ասաց Ռուսաստանի Հայերի միության նախագահ, ՅՈՒՆԵՍԿՕ-ի բարի կամքի դեսպան Արա Աբրահամյանը՝ անդրադառնալով Հայաստանի կառավարության՝ սփյուռքի հետ տարվող աշխատանքներին:
