Ծանր աշխատանք, մեծ պատասխանատվություն, ամեն շաբաթ մեկ ժամանոց հաղորդում էինք հեռարձակում, արթուն էինք մնում մինչեւ գիշերվա երեքը։ Շոումեն Գարիկ Մարտիրոսյանն այսպես է բացատրել Comedy club-ից իր հեռանալը.
«Ես Պավել Վոլյայի հետ զրուցում էի դահլիճում գտնվող հանդիսատեսի հետ։ Հետո հասկացա, որ հոգնել եմ։ Հետաքրքիր չի։ Հետո գնացի անկյուն՝ բար։ Հետո դանդաղ, որպեսզի հեռուստադիտողը չնկատի, գնացի կադրից դուրս։ Խոսում էի կադրից դուրս։ Իսկ հետո լիկվիդացվեցի։ Չեմ ուզում ստիպված կատակել։ Այն, ինչ ես անում եմ, պետք է ինձ դուր գա: Հակառակ դեպքում՝ ինչո՞ւ տանջվել ու տանջել հեռուստադիտողին», — «Կոմսոմոլսկայա պրավդա»-յին տված հարցազրույցում ասել է Մարտիրոսյանը։
«Comedy Club-ի սովորական կերտվածքը դժվար էր. տոն էր, երազանքի վայր, նորությունների ու իրադարձությունների կաթսա, հումոր ու ցինիզմ, կյանքը եռում էր, այդպիսին է Ռիոյում անցկացվող պարահանդեսը: Եվ երբ հեռանում եք, իհարկե, անսովոր է: Բայց ես հեռացա, քանզի հասկացա՝ արդեն չեմ կարող անել այդ ամենը: Ծանր աշխատանք, մեծ պատասխանատվություն, ամեն շաբաթ մեկ ժամանոց հաղորդում էինք հեռարձակում, արթուն էինք մնում մինչեւ գիշերվա երեքը։ Անընդհատ խնդիրներ կան՝ նյութի պակաս, ինչ-որ մեկը հիվանդացել է, հյուրերը չեն եկել, մոնտաժը չեն հասցնում, զանգել են վերեւից, ասում են, որ պետք է վերանայել Օբամայի մասին հոլովակը եւ այդպես շարունակ։ Թիմում փսիխոզներ, նեւրոզներ, քմահաճույքներ, քնի պակաս, տհաճություն: Բոլոր խնդիրները մարդկային հարաբերությունների, մանկական բարդույթների, հիմարության, փոխադարձ թյուրիմացության մեջ են։ Հոգնել էի։ Ինչպե՞ս եմ ես զգում առանց եթերի: Հիանալի։ Ամենեւին խնդիր չէ»,- նշել է նա։
Հումորի մասին
«Հատկապես հիմարների համար մեր հաղորդումների սկզբում գրված է «հումորային հաղորդում»։ Դա չի օգնի 10 օր բանտախցում չհայտնվելուն (խոսքը կատակերգու Իդրակ Միրզալիզադեի մասին է, ով կատակել է ռուսների մասին)։ Բայց դա գրված է ապուշների համար։ Չե՞ք հասկանում, թե ինչ է հումորը։ Այստեղ գրված է «հումորային ծրագիր»։ Հարցրեք մարդկանց, բոլորը կհաստատեն։
Ընդհանրապես, ազգության վերաբերյալ կատակել պետք չէ։ Ինչպես ցույց է տալիս պրակտիկան, դա վիրավորում է տվյալ ազգի ներկայացուցիչներին: Կատակելով պետք է գովել եւ ընդգծել ոչ միայն մինուսները, այլեւ պլյուսները», — ասել է Գարիկ Մարտիրոսյանը։
