Ֆուտբոլի աշխարհի ակումբային առաջնությունը կանցկացվի Մարոկկոյում 2023թ․ փետրվարի 1-ից 11-ը, հաղորդում է AS-ը։
Սովորաբար դեկտեմբերին անցկացվող մրցաշարը հետաձգվել էր աշխարհի առաջնության պատճառով։
Եվրոպական Չեմպիոնների լիգայի հաղթող Մադրիդի «Ռեալն» ու հարավամերիկյա Լիբերտադորեսի գավաթի խաղարկության հաղթող բրազիլական «Ֆլամենգոն» պայքարը կսկսեն կիսաեզրափակիչից։
Հյուսիսային եւ Կենտրոնական Ամերիկան կներկայացնի ամերիկյան «Սիեթլ Սաունդերսը», Աֆրիկան՝ Մարոկկոյի «Վիդադ Կասաբլանկան», Օվկիանիայից՝ նորզելանդական «Օքլենդ Սիթին»։ Դեռ հայտնի չէ Ասիայի ներկայացուցիչը։
