Բրազիլիայի հավաքականի նախկին խաղացող, աշխարհի չեմպիոն Ռիվալդոն վստահ է, որ Արգենտինայի հավաքականը կնվաճի աշխարհի չեմպիոնի կոչումը։
«Աշխարհի առաջնության եզրափակիչում Բրազիլիան հանդես չի գա, եւ ես կերկրպագեմ Արգենտինային։ Մեսին արդեն վաղուց արժանի է աշխարհի չեմպիոնի կոչմանը։ Աստված ամեն ինչ գիտի եւ կիրակի կպարգեւի նրան այդ տիտղոսը։ Լեո, դու արժանի ես այդ տիտղոսին քո ցուցադրած հրաշալի ֆուտբոլի համար»,- սոցիալական ցանցերում գրել է Ռիվալդոն։
Կիսաեզրափակիչում Արգենտինան 3:0 հաշվով հաղթել է Խորվաթիային։ Եզրափակիչի մյուս ուղեգիրը դեկտեմբերի 14-ին կվիճարկեն Ֆրանսիայի եւ Մարոկկոյի հավաքականները։
