Կույր աղիքի բորբոքումը նաեւ «որովայնի խոռոչի կապիկ» են անվանում, «Ամենակարեւորի մասին» ծրագրի եթերում պատմել է ռուս հայտնի բժիշկ, սրտաբան, դոկտոր Ալեքսանդր Մյասնիկովը, փոխանցում է «Արգումենտի ի ֆակտի»-ն:
Հիմնական բանը, որ բոլորը գիտեն կույր աղիքի մասին, այն է, որ պետք է ցավի որովայնի ստորին աջ հատվածում: Սակայն ցավը սկսվում է պոռտի մոտ, այն ցրված է, հետո սկսում է կենտրոնանալ աջ կողմում, բայց կարող է նաեւ տարածվել դեպի այլ հատվածներ, նույնիսկ դեպի անուս:
Բժիշկ Մյասնիկովը նշել է, որ դա «սուր որովայնի» նման վիճակի ամենատարածված պատճառն է՝ դա պաթոլոգիա է, որն անհապաղ բժշկական ուշադրություն է պահանջում:
Ամենից հաճախ այս խնդիրն առաջանում է մինչեւ 19 տարեկան հասակում, թեեւ հնարավոր է նաեւ մնացած բոլոր տարիքային խմբերում։
Մասնագետը նշեղ, կույր աղիքի բորբոքման բուժման մեջ փոխվել են մի շարք հիմնարար դրույթներ. Դրանցից մեկը վերաբերում է վիրահատությանը։ Եթե խոսքը ոչ բարդ եւ չծակոտված կույր աղիքի մասին է, ապա այն հակաբիոտիկներով բուժելը միանգամայն հնարավոր է։ Սակայն, ինչպես նշել է բժիշկը, բժիշկները խորհուրդ չեն տալիս դրա համար մեկ հակաբիոտիկ թերապիա օգտագործել, քանի որ ռեցիդիվների ռիսկը մեծ է. դա տեղի է ունենում կույր աղիքը հակաբիոտիկներով բուժող մարդկանց 30 տոկոսի մոտ։
Բայց եթե մարդը կտրականապես հրաժարվում է եւ իրավիճակը շտապ միջամտություն չի պահանջում եւ նաեւ, եթե ինչ-ինչ պատճառներով նրան այժմ չի կարելի լիդոկաին տալ, կարելի է հակաբիոտիկներով բուժում սկսել. նախ ներարկումներն արվում են հիվանդանոցում, ապա հիվանդին դուրս են գրում, եւ նա 10 օր տանն է բուժում ստանում:
Օպերատիվ միջամտությունից խուսափել պետք չէ, նշել է բժիշկը, քանի որ դա առանձնապես դժվար չէ. այն իրականացվում է առանց ընդհանուր անզգայացման, ներառում է լապարոսկոպիա։
Արժե նաեւ հաշվի առնել վիրահատության հետ կապված մի նյուանս: Եթե կույր աղիքը ծակոտված չէ, ապա վիրահատությունը կարող է 12-24 ժամով հետաձգվել, սակայն 48 ժամից ավել չի թույլատրվում։ Եթե այն պայթել է, ֆլեգմոն, թարախակույտ է առաջացել, ապա պետք է շտապ գործել։
Այսօր անզգայացում չանելու առաջարկությունը կորցրել է իր արդիականությունը։ «Դա անցյալ դարի սխալն է։ Այսօր բոլոր վիրաբուժական համայնքներն ասում են, որ մարդը ցավին չպետք է դիմանա, պետք է անզգայացնել, այդ դեպքում այն թույլ կտա հետազոտել որովայնը»,- պարզաբանել է բժիշկը։ Իսկ անհրաժեշտ ամեն ինչ առանց այդ էլ նկատելի կլինի՝ թե՛ ըստ անալիզների, թե՛ որովայնի լարվածությունից:
