Քոնոր Մակգրեգորը նախկինի նման ցանկանում է ռևանշ-մենամարտ անցկացնել Հաբիբ Նուրմագոմեդովի հետ
UFC-ի նախագահ Դեյնա Ուայթը հայտարարել է, որ իռլանդացի բռնցքամարտիկ Քոնոր Մակգրեգորը նախկինի նման ցանկանում է ռևանշ-մենամարտ անցկացնել Ռուսաստանի ներկայացուցիչ Հաբիբ Նուրմագոմեդովի հետ, սակայն մինչ այդ դիմակայությունը պետք է մրցի մեկ այլ բռնցքամարտիկի հետ:
Ավելի վաղ նշվում էր, որ ռևանշ-մենամարտը կարող է կայանալ այս տարի, սակայն Նուրմագոմեդովը հայտարարել էր, թե մրցակիցն արժանի չէ ռևանշի և որ այդ դիմակայությունը իրեն ոչինչ չի տա:
«Քոնորի համար չեմպիոնական գոտին շատ կարևոր է: Նա ուզում է լինել չեմպիոն: Մակգրեգորը պատրաստ է վերադարձնել տիտղոսը, սակայն պետք է մենամարտի ինչ-որ մեկի հետ: Այո, նա ուզում է կրկին ուժերը չափել Հաբիբի հետ, բայց մինչ այդ հանդիպումը նրան կսպասի մեկ այլ բռնցքամարտիկ»,- ասել է Ուայթը:
