Եվրոպական հեռարձակողների միությունը` ԵՀՄ-ն հրապարակել է 2019թ.-ի մայիսի 14-ին Իսրայելում տեղի ունեցող Եվրատեսիլ երգի ամենամյա մրցույթի կարգախոսն ու տարբերանշանը:
«Համարձակվիր երազել». այսպիսի կարգախոս ունի այս տարվա երաժշտական մրցույթը, իսկ ինչ վերաբերում է տարբերանշանին, ապա այն ոսկեգույն աստղի տեսք ունի: Այն կազմված է եռանկյունիներից, որոնք խորհրդանշում են «Դավթի աստղը»՝ մի նշան, որը նաև Իսրայելի դրոշի վրա կարող եք տեսնել: Նշվում է, որ եվրատեսիլյան բեմը նույնպես եռանկյունաձև տարրեր կունենա: Ե՛վ տարբերանշանի, և՛ կարգախոսի գաղափարի հեղինակն է Իսրայելի հայտնի ընկերություններից մեկը՝ Awesome Tel Aviv-ը:
Հրապարակված հայտարարության համաձայն Եվրատեսիլ երգի մրցույթի այս տարվա տոմսերը կսկսեն վաճառվել հունվարի երկրորդ կեսից:
Հիշեցնենք՝ 2018թ.-ին Եվրատեսիլում հաղթող էր ճանաչվել Իսրայելի ներկայացուցիչ Նետտան: Իսկ Հայաստանը 2019թ.-ի Եվրատեսիլ երգի մրցույթում ներկայացնում է Սրբուկը.
