Ակտիվիստները հասել են նրան, որ արգելափակվի ռուս դերասանուհի Մարիա Շուկշինայի Google Drive-ը․ դերասանուհին հանդես է գալիս ընդդեմ մասսայական պատվաստման։ Դերասանուհու հաշվի արգելափակման մասին հայտնում է 360.tv-ն՝ վկայակոչելով Telegram-յան «Мракоборец» ալիքը։ Ալիքի տեղեկություններով՝ Google Drive-ում Շուկշինան կորոնավիրուսի թեմայով գրառումներ էր հրապարակում։ Հիմա արդեն այն դատարակ է։
Նախորդ տարվա նոյեմբերի վերջին Ինստագրամը սահմանափակել էր Շուկշինայի էջին բաժանորդագրությունը։ Սոցիալական ցանցի օգտատերերին, որոնք ցանկանում էին հետեւել հեռուստահաղորդավարուհու էջին, զգուշացնում էին, որ նրա էջը սխալ տեղեկատվություն է հրապարակել։ Այդ որոշման պատճառներից մեկը հրապարակումն էր, որում Շուկշինան պատասխանել էր պատվաստմանը դեմ քաղաքացիներին արձագանքած բժիշկներին, որոնք առաջարկել էին հիվանդանոցների կարմիր զոնա այցելել։ Ավելի ուշ արգելափակել են արտիստի YouTube-յան ալիքը։
