Շերոն Սթոուն. Մենք վախենում ենք էկրանին մերկությունից, վախենում ենք մեր մարմիններից, բայց չենք վախենում բռնությունից
Շերոն Սթոունը կրկին բանավեճեր է առաջացրել համացանցում՝ այս անգամ ծերացման և ինքն իրեն ընդունելու մասին կտրուկ հայտարարությամբ։
67-ամյա աստղը Ինստագրամում հրապարակել է հուզիչ տեսանյութ, որում անկեղծորեն խոսել է այն մասին, թե ինչու է հասարակությունը դեռևս վախենում տարիքից և բնականությունից։
«Պե՞տք է վախենանք, երբ նայում ենք հայելու մեջ։ Ինչո՞ւ պետք է գաղտնիք լինի, որ մենք գնում ենք զուգարան կամ մաքրում ենք ատամները։ Ինչո՞ւ պետք է վախենանք մեր սեփական մարդկայնությունից։ Սա աշխարհի ամենատարօրինակ գաղափարն է», — ասել է դերասանուհին։
Սթոունը շեշտել է, որ իր մարմինը «իր տունն է»։ «Ես այն կրում եմ ամեն օր։ Ես դրանով արթնանում եմ, դրանով եմ պառկում քնելու։ Սա իմ բնակարանն է։ Ես այստեղ եմ ապրում»։ Այս անկեղծ մենախոսության առիթը նրա արվեստանոցում ստեղծված իրավիճակն էր։ Նկարահանումների ժամանակ անձնակազմը խնդրել է, որ կադրից հանվի մերկ կնոջ նկարը՝ «Աստվածուհի» վերնագրով։
«Մենք վախենում ենք էկրանին մերկությունից, վախենում ենք մեր մարմիններից և մեր սեփական տներից, բայց չենք վախենում բռնությունից և այն ամենից, ինչով մեզ ամեն օր ռմբակոծում են։ Իսկապե՞ս», — բողոքել է դերասանուհին։ «Ինչո՞ւ ենք 2026 թվականին դեռ վախենում ծերանալուց և մեր սեփական մարմիններում ապրելուց։ Մենք ավելին ենք, քան պարզապես մեր արտաքինը։ Մենք արվեստագետներ ենք, մայրեր, քույրեր, կանայք, բուժքույրեր, ուսուցիչներ…»
«Կազինո» ֆիլմի աստղը նախկինում խոսել է տարիքի ընդունման մասին։ Հարցազրույցում նա խոստովանել է, որ հումորով է վերաբերվում իր մարմնի փոփոխություններին։
«Ես կատակում եմ, որ իմ թևատակերին հիմա ծալքեր կան։ Ես նախկինում գեղեցիկ ձեռքեր ունեի, բայց հիմա դրանք ամուր են, նկարներ են նկարում՝ ինչպես հրեշտակի թևեր։ Հետո ի՞նչ, եթե դրանք ծալքեր ունեն։ Գուցե հենց դա է, որ դրանք հիմա գեղեցիկ է դարձնում»։
