Ուսանողուհին ստեղծել է հսկա փափուկ խաղալիք և հայտնվել Գինեսի ռեկորդների գրքում  

22-ամյա Էմիլիա Էվանս-Մանտոնը, Գլազգոյի արվեստի դպրոցի շրջանավարտ, պաշտոնապես սահմանել է համաշխարհային ռեկորդ՝ ստեղծելով աշխարհի ամենամեծ փափուկ կապիկը:

«Remember I’m Still Here» անվանումով քանդակը 15.1 մետր երկարություն ունի և պատրաստված է 60 մետր կորդուրո գործվածքից և 40 խուրձ ծղոտից, որը կառույցին տվել է իր ձևը: 1.5 մետր լայնությամբ «կոճակաձև» աչքերը պատրաստված են վերամշակված շինարարական տախտակներից: Էմիլիան ասել է, որ նախագիծը խորհրդանշում է իր մանկությունը: Նա տարրական դպրոցում մոր և տատիկի հետ միասին պատրաստել է փափուկ խաղալիքներ, և այս աշխատանքը դարձել է մոռացված խաղալիքների և մանկության տարիներին սիրելի խաղալիքը կորցնելու զգացողության հարգանքի տուրք։

«Քանդակը դրսում է՝ արևի, քամու, անձրևի և փոթորիկների տակ: Այն սկզբում կատարյալ քանդակ էր, ապա աստիճանաբար մաշվեց՝ լքված լինելով նկարչի կողմից, բայց դիտողների կողմից հայտնաբերվեց արվեստի դպրոցում գտնվելու ընթացքում», — ասել է Էմիլիան։

Հսկայական խաղալիքը պատրաստելու համար պահանջվել է երկու շաբաթ՝ մեկ շաբաթ՝ կարելու, մյուսը՝ փափուկի համար: Էմիլիան օգնություն է ստացել ընկերներից և ընտանիքի անդամներից։

Քանդակը ցուցադրվել է Սթոու քոլեջի նախկին շենքի բացօթյա տարածքում՝ «2025 թվականի դասարան» ցուցահանդեսի ժամանակ, որտեղ այն անմիջապես գրավել է այցելուների ուշադրությունը և դարձել իսկական սենսացիա։