Հոլիվուդը հոգնել է արքայազն Հարրիից և Մեգան Մարքլից

Page Six-ը, հղում անելով ներքին աղբյուրներին, հաղորդում է, որ Հոլիվուդը կորցրել է հետաքրքրությունը արքայազն Հարրիի և Մեգան Մարքլի նկատմամբ։

«Նրանց նկատմամբ ոչ միայն կորել է հետաքրքրությունը, այլև նրանք սպառել են իրենց նախկին հեղինակությունը», — ասել է Լոս Անջելեսի աղբյուրը։ «Մարդիկ պարզապես հոգնել են։ Դա այլևս չի աշխատում»։

Հրապարակման համաձայն՝ Netflix-ը վերանայել է Սասեքսի դքսի և դքսուհու հետ իր պայմանագիրը. 100 միլիոն դոլար արժողությամբ բազմամիլիոնանոց համաձայնագրից այժմ այն «first-look» գործարք է, ինչը նշանակում է, որ սթրիմինգը առաջին հայացքը կունենա նրանց ապագա նախագծերի վրա, բայց առանց նախկին երաշխիքների։

Աղբյուրները պնդում են, որ զույգը «անհույս է բիզնես բանակցություններում»։ Հարրին, իբր, ուշացել է Netflix-ի ղեկավարների հետ հանդիպմանը և… խնդրել է մի բաժակ տաք շոկոլադ։ «Նա միշտ խնդրում է տաք շոկոլադ, դա նրա ֆիշկան է», — ասել է ներքին աղբյուրը՝ նշելով, որ նմանատիպ բաներ նախկինում էլ են պատահել Spotify-ի հետ հանդիպումների ժամանակ։ Ըստ լուրերի՝ Մեգանը նաև բարդ զգացմունքներ է առաջացնում իր գործընկերների շրջանում։ «Նա կարծում է, որ ինքն ավելի խելացի է, քան մյուսները, հաճախ ամբարտավան է և շատ վերահսկող», — ասում է աղբյուրը։

Չնայած լուրերին, ամեն ինչ այդքան էլ վատ չէ։ Page Six-ի համաձայն՝ Netflix-ի գործադիր տնօրեն Թեդ Սարանդոսը մնում է զույգի երկրպագուն և նույնիսկ երբեմն ճաշում է նրանց հետ։

Մեգանը հարթակի հետ նոր գործարքը անվանում է «գործընկերության ուժի նշան» և ընդգծում է, որ այն իրենց «ճկունություն» է տալիս իրենց նախագծերը ներկայացնելու ոչ միայն Netflix-ին, այլև այլ ստուդիաներին։

Եվ այնուամենայնիվ, ինչպես նշվում է Հոլիվուդում, «պայթյունավտանգ նորույթի» էֆեկտը վաղուց անցել է.

«Նրանք մի ժամանակ ամենաշատ քննարկվող զույգն էին, իսկ հիմա նրանք պարզապես ևս մեկ արդյունաբերական զույգ են», — եզրափակել է աղբյուրը։