Սոֆիա Ներսեսյանը կներկայացնի Ուկրաինան «Մանկական Եվրատեսիլ 2025»-ում  

Սոֆիա Ներսեսյանը հաղթել է «Մանկական Եվրատեսիլ 2025»-ի Ուկրաինայի ազգային ընտրական փուլում և կներկայացնի Ուկրաինան Վրաստանում կայանալիք միջազգային երգի մրցույթում։

Ժյուրիի և հանդիսատեսի քվեարկության արդյունքում Սոֆիան հաղթել է իր «Մոտանկա» երգով։

Ներսեսյանը ստացել է 11 միավոր՝ 6-ը հանդիսատեսից և 5-ը՝ ժյուրիից։ Սա նշանակում է, որ նա հաղթել է հանդիսատեսի քվեարկության արդյունքում և զբաղեցրել երկրորդ տեղը ժյուրիի վարկանիշային աղյուսակում։

Աղջիկը ծնվել է 2015 թվականին Կիևում։ Սոֆիան ինքն է ասում, որ ծնվել է Ուկրաինայի մայրաքաղաքում, բայց իր սիրտը պատկանում է երկու մշակույթների՝ ուկրաինական և հայկական։ Նրա հայրը հայ է, իսկ մայրը՝ Ուկրաինայից։ Սոֆիան մանկուց սիրել է երգել։ Սա պատահական չէ, քանի որ երաժշտությունը նրա ընտանիքի անբաժանելի մասն է կազմում։ Նա այս տաղանդը ժառանգել է հորից և պապիկից։ Տատիկի կողմից Ներսեսյանի ընտանիքը ազգակցական կապ ունի Նինա Մատվիենկոյի հետ, ուստի ֆոլկլորը միշտ կարևոր է եղել նրա համար, հաղորդում է Showbiz.24tv.ua-ն։

Սոֆիան շատ հազվագյուտ ձայն ունի՝ երկրորդ ալտ, և նա ձգտում է ավելի զարգացնել իր հմտությունները։

Մանկական Եվրատեսիլ 2025-ի եզրափակիչը տեղի կունենա դեկտեմբերի 13-ին Թբիլիսիում։