HBO-ն հրապարակել է «Գահերի խաղի» նախապատմության՝ «Յոթ թագավորությունների ասպետի» առաջին թրեյլերը
HBO-ն վերջապես հրապարակել է «Յոթ թագավորությունների ասպետը» նոր սերիալի առաջին թրեյլերը, որը լեգենդար «Գահերի խաղի» նախերգանքն է։ Վեց մասից բաղկացած դրամայի պրեմիերան կկայանա հունվարի 18-ին, և այն խոստանում է հեռուստադիտողին տանել «Գահերի խաղի» իրադարձություններից մեկ դար առաջ։
Գլխավոր հերոսներն են քաջ և միամիտ ասպետ Սեր Դունկան Բարձրահասակը և նրա փոքրիկ, բայց շատ յուրահատուկ զինակիր Էգգը, որն իրականում արքայազն Էյգոն Թարգարիենն է։ Այո, նույն փոքրիկ Թարգարիենը, որը դեռ չի նստել Երկաթե գահին։ Միասին նրանք կմեկնեն վտանգավոր և անհավանական արկածների, որոնք լի են ինտրիգներով, հզոր թշնամիներով և իսկական կախարդանքով։
Գլխավոր դերերը կատարում են Փիթեր Քլաֆին (Սեր Դունկան) և Դեքստեր Սոլ Անսելը (Էգգ)։ Աստղային դերասանական կազմում են՝ Ֆին Բենեթը, Բերտի Քարվելը, Դանիել Ինգսը, Թենզին Քրոուֆորդը և ուրիշներ։
Սցենարիստը և պրոդյուսերներն են Ջորջ Ռ.Ռ. Մարտինը և Այրա Փարքերը, իսկ ռեժիսորները՝ Ադինա Սմիթը և Օուեն Հարիսը։
Սերիալը հիմնված է Մարտինի «Դանկի և Էգգի հեքիաթները» պաշտամունքային նովելների վրա և խոստանում է պատկերել Վեստերոսը մանրանկարչական, կեսժամյա ձևաչափով՝ պահպանելով արկածների, ասպետական քաջության և էպիկական մարտերի մթնոլորտը։
