«Դա Վինչիի կոդի» հեղինակը նշանադրվել է իր նախկին սիրեցյալներից մեկի հետ  

«Դա Վինչիի կոդը» միջազգային բեսթսելլերի հեղինակ Դեն Բրաունը, որը խոստովանել է, որ չէր կարող գրել գիրքը առանց իր նախկին կնոջ՝ Բլայթի օգնության, կրկին ուշադրության կենտրոնում է։ Այս անգամ խոսքը նրա անձնական կյանքի մասին է. 61-ամյա գրողը նշանադրվել է 34-ամյա հոլանդացի ձիավարուհի Ջուդիթ Փիթերսենի հետ, որը չորս կանանցից մեկն է, որոնց հետ, ըստ նախկին կնոջ, նա սիրային հարաբերություններ է ունեցել։

Բրաունի և Բլայթի հարաբերություններն ավարտվել են դառը ամուսնալուծությամբ 2018 թվականին։ 2020 թվականին Բլայթը դատական հայց է ներկայացրել՝ պնդելով, որ գրողը «ստերով լի կյանք» է վարել՝ իրենց համատեղ գումարը ծախսելով չորս սիրուհիների, այդ թվում՝ Ջուդիթի նվերների վրա։

Բրաունն ինքը հերքել է մեղադրանքները՝ նշելով, որ երբեք չի խաբել նախկին կնոջը ֆինանսների հարցում, և որ նա ստացել է իրենց համատեղ ունեցվածքի կեսը։ Այժմ հեղինակը Ջուդիթի հետ իր հարաբերությունները հաստատել է անմիջապես իր նոր՝ «The Secret of Secrets» գրքի տեքստում՝ նրան անվանելով «իմ հարսնացուն» շնորհակալագրերում։

Բլայթի խոսքով՝ Բրաունի սիրավեպը Ջուդիթի հետ սկսվել է դեռևս 2014 թվականին, երբ նա ժամանակավորապես ապրում էր նրանց հետ՝ ուսի վիրահատությունից ապաքինվելու ընթացքում։ Նա պնդում է, որ Դենը Ջուդիթին նվիրել է մեքենա, ձիերի տեղափոխման կցասայլակ և 350,000 դոլար արժողությամբ ձի։

Ջուդիթն ինքը Բրաունին անվանում է «երազանք»՝ հավելելով, որ իր աշխատանքային գրաֆիկը՝ ժամը 4-ից սկսվող գրավոր նիստերը և վարժությունների համար ընդմիջումները, ոգեշնչում են իրեն։ Իր հերթին, գրողը պնդում է, որ ձիավարուհու հետ իր հարաբերությունները սկսվել են այն բանից հետո, երբ Բլայթի հետ ամուսնությունը պաշտոնապես «միայն թղթի վրա» էր։