Էլթոն Ջոնի ծնկների բաժակներից ոսկե զարդեր են պատրաստել  

Էլթոն Ջոնը պատմել է մի անսովոր դեպքի մասին իր նոր՝ «Elton John – Touched By Gold» մինի-վավերագրական ֆիլմում։ Լեգենդար երաժիշտը իր ծնկների բաժակները վերածել է ոսկե զարդերի։

Վավերագրական ֆիլմը նկարահանվել է World Gold Council–ի կողմից, որը նշում է, որ Էլթոնի կյանքը «ոսկու հպումով է անցել բոլոր իմաստներով՝ թե՛ բեմում, թե՛ դրանից դուրս»։ Եվ իսկապես, ո՞վ է կրում իր ծնկների բաժակները որպես վզնոց։

Ամենահետաքրքիր մասը սկսվում է մոտավորապես 11-րդ րոպեին, երբ Ջոնը ցուցադրում է զարդերը։ «Երբ հեռացրեցին իմ ծնկների բաժակները՝ սկզբում ձախը, ապա աջը, ես խնդրեցի վիրաբույժին, թե կարո՞ղ եմ դրանք պահել։ Նա մի փոքր զարմացավ», — ասել է Էլթոնը լոնդոնաբնակ դիզայներ Թեո Ֆեննելին։

«Ես զանգահարեցի նրան և ասացի. «Եթե ես քեզ տամ իմ ձախ և աջ ծնկների բաժակները, կարո՞ղ ես դրանց հետ անել, ինչ ուզում ես», և Ֆեննելը համաձայնել է։ «Մենք դրանք չորացրեցինք։ Դրանք դարձան պեմզայի նման, շատ ծակոտկեն, ուստի մենք դրանք պատեցինք ացետատով և փայլեցրինք», — հիշում է դիզայները։

Այժմ Էլթոն Ջոնն ունի իսկապես եզակի ոսկե աքսեսուարներ, որոնք ընդմիշտ կմնան նրա պատմության մի մասը։