Երկրպագուները վստահ են. Քիմ Քարդաշյանը և Դրեյքը գաղտնի հանդիպում են
Ինտերնետը կրկին քննարկում է Քիմ Քարդաշյանի և Դրեյքի հնարավոր սիրավեպը։ Պատճառը նոր «ապացույցներն» էին, որոնք երկրպագուները նկատել էին աստղերի սոցիալական ցանցերում, հաղորդում է The Sun-ը։
Բաժանորդները վստահ են, որ SKIMS ապրանքանիշի 44-ամյա հիմնադիրը և 36-ամյա ռեփերը ռոմանտիկ արձակուրդ են անցկացրել Իտալիայում։ Երկուսն էլ լուսանկարներ են հրապարակել Կոմո լճի ափին գտնվող նույն շքեղ առանձնատնից։
Լուսանկարներում Քիմը կեցվածք է ընդունում սև կիսաթափանցիկ զգեստով՝ գեղատեսիլ բնապատկերների ֆոնին։ Նա այս լուսանկարները կարճ և խորհրդավոր կերպով վերնագրել է. «Իտալիա 2025»։
Եվ երկրպագուները անմիջապես գտել են մի զուգադիպություն. հենց այս նույն առանձնատանը՝ լողավազանով, այգիներով և լճի համայնապատկերային տեսարանով, Դրեյքն էր ամռանը հանգստացել։
«Փողոցներում լուրեր են շրջանառվում, որ Դրեյքն ու Քիմը նոր զույգ են», — կատակում են Reddit-ի օգտատերերը՝ կցելով «ապացույցների» սքրինշոթերը։
Այնուամենայնիվ, ոչ բոլորն են հավատում սիրավեպին։ Ոմանք սա համարում են ևս մեկ PR հնարք, իսկ մյուսները նշում են, որ Քիմն ու Դրեյքը վաղուց ընկերներ են և կարող էին պարզապես ժամանակ անցկացնել միասին։
Հետաքրքիր է, որ դեռևս գարնանը Քիմի նախկին ամուսինը՝ Քանյե Ուեսթը, ակնարկել էր ռեփերի և նախկին կնոջ հարաբերությունների մասին։ Սոցցանցերում իր գրառումներից մեկում նա գրել է. «Շուտով Քիմի հետ կապված պատմությունը կբացահայտվի»։
Այս զույգի սիրավեպի մասին լուրերը շրջանառվում էին վաղուց։ 2023 թվականին երկրպագուները վստահ էին, որ Դրեյքը խոստովանել է իր զգացմունքները Քիմի նկատմամբ Search & Rescue երգում, որում հնչում են Քարդաշյանի և նրա մոր՝ Քրիս Ջեների ձայները։
