Սաբրինա Քարփենթերը MTV VMA երեկույթին. Շերի 50-ամյա զգեստը և դիսկո տրամադրությունը

Last updated Сен 10, 2025

Սաբրինա Քարփենթերը շարունակում է զարմացնել երկրպագուներին փոփ երաժշտության լեգենդներին ոճային հղումներով: Մադոննայից և Բրիթնի Սփիրսից ոգեշնչված կերպարներից հետո երգչուհին որոշել է MTV Video Music Awards մրցանակաբաշխությանը նաև մեկ այլ լեգենդի՝ Շերին պատվել:

26-ամյա աստղը Նյու Յորքում կայացած երեկույթին ներկայացել էր Bob Mackie-ի վինտաժային հագուստով, որը Շերը կրել էր 50 տարի առաջ: Կերպարը ներառում էր սև, վարդագույն և կապույտ երանգների շքեղ ծոպերով նեղ, հայելային քարերով զարդարված բոդի: Կոստյումն առաջին անգամ ներկայացվել է «The Cher Show»-ում 1975 թվականի ապրիլին, երբ Շերը դուետով հանդես եկավ Թինա Թըրների հետ:

Սաբրինայի երեկույթի թեման Studio 54-ն էր, և դիսկո ոճը կատարյալ համապատասխանում էր: Երգչուհին հանդերձանքը լրացրել էր չափազանց բարձր կրունկներով արծաթափայլ կոշիկներով և մազերը հարդարել էր մեծ գանգուրներով՝ 70-ականների ոճով: Թարթիչների վրա շեշտադրմամբ պայծառ դիմահարդարումը և վարդագույն շրթներկը լրացնում էին հանդերձանքը: Շերը միակ աստղը չէ, որին Սաբրինան հարգանքի տուրք է մատուցել 2025 թվականի VMA մրցանակաբաշխության ժամանակ։ UBS Arena-ի բեմում արտիստը կատարել է Tears սինգլի պրեմիերան և ակնհայտորեն ոգեշնչվել Բրիթնի Սփիրսի կերպարով. անձրևի տակ փայլուն կրծկալով Քարփենթերը վերստեղծել է 2001 թվականի Dream Within a Dream շրջագայության մթնոլորտը։