Դուբայի արքայադուստրը ամուսնանում է ռեփեր Ֆրենչ Մոնտանայի հետ՝ սկանդալային ամուսնալուծությունից մեկ տարի անց  

Դուբայի կառավարիչ շեյխ Մոհամմեդ բին Ռաշիդ ալ Մաքթլումի 31-ամյա դուստրը՝ Շեյխա Մահրան, նշանվել է ռեփեր Ֆրենչ Մոնտանայի հետ՝ ամուսնալուծության մասին հայտարարությունից ընդամենը մեկ տարի անց՝ մեղադրելով իր առաջին ամուսնուն «այլ կանանցով տարված լինելու մեջ»:

TMZ-ի տվյալներով՝ ամուսնության առաջարկը տեղի է ունեցել Փարիզի նորաձևության շաբաթվա ընթացքում, որտեղ ռեփերը, որի իրական անունը Քարիմ Խարբուշ է, ցուցադրել է 3.Paradis Ready to Wear գարուն/ամառ 2026 հավաքածուն որպես մոդել:

Սկանդալային ամուսնալուծություն և նոր սեր

2024 թվականի հուլիսին արքայադուստրը հրապարակայնորեն հայտարարեց շեյխ Մանա բին Մոհամմեդից ամուսնալուծության մասին՝  Instagram–ում հեգնական գրառմամբ, որը ծաղրում էր իսլամական «եռակի ամուսնալուծության» ավանդույթը: «Քանի որ դու զբաղված ես այլ կանանցով, ես հայտարարում եմ. Ես ամուսնալուծվում եմ քեզնից: Ես ամուսնալուծվում եմ քեզնից: Զգույշ եղիր: Քո նախկին կին», — գրել է նա:

Ֆրենչ Մոնտանան հաստատել է նշանադրությունը՝ Instagram-ում ցուցադրելով 11.53 կարատանոց զմրուխտյա ադամանդե մատանի, որի արժեքը 1.1 միլիոն դոլար է։

Սա կլինի արքայադստեր և ռեփերի երկրորդ ամուսնությունը, ով նախկինում ամուսնացած է եղել և ունի որդի։

Նրանց հարսանիքը, ինչպես սպասվում է, կլինի ամենաաղմկոտ սոցիալական միջոցառումներից մեկը՝ հիփ-հոփի և Մերձավոր Արևելքի թագավորական աշխարհի խաչմերուկում։