Մայքլ Ջեքսոնի որդին՝ Փրինսը, հայտարարել է վաղեմի ընկերուհու հետ նշանադրության մասին
Մայքլ Ջեքսոնի առաջնեկը՝ Փրինսը, ուրախությամբ հայտարարել է, որ նշանվել է իր ութ տարվա ընկերուհու՝ Մոլի Շիրմանգի հետ, գրում է Daily Mail-ը։
28-ամյա Փրինսը սկսել է հանդիպել Մոլիի հետ 2017 թվականին, և չնայած նրանք իրենց սիրավեպը մեծ մասամբ գաղտնի են պահել, երբեմն միասին քայլել են կարմիր գորգով։
Նա այս երեքշաբթի օրն իր ինստագրամյան էջում հայտնել է, որ ինքն ու Մոլին պատրաստվում են քայլել դեպի խորան։
Իր մակագրության մեջ նա գրել է. «8 տարի և անվերջություն։ Մոլին և ես շատ ժամանակ ենք անցկացրել միասին և ստեղծել անհավանական հիշողություններ»։
Ալբոմին կից, որը ներառում էր նրանց քոլեջի ավարտական լուսանկարը, նա գրել է. «Մենք ճանապարհորդել ենք աշխարհով մեկ, ավարտել ենք և միասին շատ ենք մեծացել»։
Լուսանկարների շարքում Մոլին և Փրինսը նստած են նրա տատիկի՝ Մայքլի մոր՝ 95-ամյա Քեթրին Ջեքսոնի կողքին։
Փրինսն իր մակագրությունն ավարտել է՝ «Ես ոգևորված եմ մեր կյանքի այս հաջորդ գլխով, քանի որ մենք շարունակում ենք աճել և ստեղծել հիանալի հիշողություններ։ Ես սիրում եմ քեզ, փոքրիկ»։
