The Police խմբի նախկին անդամները դատի են տվել Սթինգին
Սթինգի նախկին «Police» խմբի անդամները դատի են տվել առաջատար երգչին՝ միլիոնավոր ֆունտ ստերլինգ կորցրած հոնորարների համար, գրում է Daily Mail-ը։
73-ամյա երգչին Բարձրագույն դատարանի որոշում են ներկայացրել խմբի կիթառահար Էնդի Սամերսը և թմբկահար Ստյուարտ Քոուփլենդը։
«Էական» վնասի փոխհատուցման պահանջը ներկայացվել է երկար տարիների դաժան դատական վեճերից հետո։
Աղբյուրը The Sun-ին ասել է. «Այս գործը բավականին երկար ժամանակ է, ինչ լսվում է։ Իրավաբանները բազմիցս փորձել են դատարանից դուրս համաձայնության գալ, բայց փակուղու են հանդիպել։
Էնդին և Ստյուարտը որոշել են, որ դատարանից բացի այլընտրանք չկա, ուստի սեղմել են կոճակը։ Նրանք ասում են, որ իրենց միլիոնավոր ֆունտ ստերլինգ կորցրած հոնորարներ են պարտք»։
Լոնդոնի Բարձրագույն դատարանը դատական գործը դասել է «ընդհանուր առևտրային պայմանագրերի և պայմանավորվածությունների» մեջ։
Սթինգը․ որպես պատասխանող․ ներկայացված է իր իրական անունով՝ Գորդոն Մեթյու Սամներ, մինչդեռ նրա Magnetic Publishing Limited ընկերությունը նույնպես նշված է որպես պատասխանող։
Ենթադրվում է, որ աստղը տարեկան 550,000 ֆունտ ստեռլինգ է վաստակում միայն Every Breath You Take հիթից, որը 80-ականների հինգերորդ ամենավաճառվող երգն է։
Սակայն խմբի անդամներ Սամերսին և Քոուփլենդին չեն շնորհվել երգի հեղինակային իրավունքները սինգլի համար։
The Police խումբը ստեղծվել է Լոնդոնում՝ 1977 թվականին, և աստղային փառքի է հասել իրենց երկրորդ՝ Reggatta de Blanc ալբոմով, որը չորս ալբոմներից առաջինն էր, որը հասել էր չարթերի գագաթնակետին։
Նրանց վերջին շրջագայությունն ավարտվել է 1984 թվականին, բայց միմյանց կամ իրենց երկրպագուներին հրաժեշտ չի տրվել։
