Բեյոնսեն վերամիավորվել է Destiny’s Child-ի հետ Լաս Վեգասի եզրափակչում. երկրպագուները ոգևորված են
Լաս Վեգասում «Ալեջիանտ» մարզադաշտում «Քաուբոյ Քարթերի» վերջին համերգի ժամանակ Բեյոնսեն երկրպագուներին անակնկալ է մատուցել, որը նրանք երբեք չեն մոռանա. նրան բեմում միացել են Destiny’s Child խմբի անդամներ Քելլի Ռոուլանդը և Միշել Ուիլյամսը։
Սա եռյակի առաջին համատեղ ելույթն էր մի քանի տարվա ընթացքում։ Հանդիսատեսի ոգևորված ճիչերի ներքո արտիստները կատարել են իրենց հիթերի խառնուրդը, այդ թվում՝ Independent Women–ը, Lose My Breath–ը և Bootylicious–ը։ Երաժշտական ցանկում անսպասելիորեն ներառվել է նաև Բիյոնսեի «Energy (2022)» մենակատարային երգը, որից հետո եռյակը փաստացի կատարել է «Mute Challenge»-ը՝ համերգի մի պահ, երբ ամբողջ մարզադաշտը սառել է լիակատար լռության մեջ։
Ականատեսների և TikTok տեսանյութերի համաձայն՝ Բեյոնսեն կարճ ժամանակով անհետացել է բեմից, բայց շուտով տպավորիչ կերպով հայտնվել է բեմի տակից՝ Ռոուլանդի և Ուիլյամսի հետ։ Հանդիսատեսը պայթել է զգացմունքներից, երբ նրանք մտել ե Independent Women երգի հնչյունների ներքո։
«Destiny’s Child, գրողը տանի», ժպիտով հայտարարել է Բեյոնսեն, նախքան եռյակը սկսել է պարել Lose My Breath (2004) երգի հնչյունների ներքո։ Ելույթն ավարտվել է երեք անդամների գրկախառնությամբ, և Բիյոնսեն ասել է. «Ծափահարություններ Destiny’s Child-ին»։
Destiny’s Child-ը վերջին անգամ միասին ելույթ է ունեցել 2018 թվականին՝ լեգենդար Coachella փառատոնում։ Նախկին անդամներ ԼաՏավիա Ռոբերսոնը և ԼեՏոյա Լաքեթը նույնպես վերամիավորվել են խմբի հետ 2023 թվականին՝ Renaissance Tour-ի ժամանակ։
Հիշեցնենք, որ Destiny’s Child-ը ստեղծվել է Հյուստոնում 90-ականների սկզբին և թողարկել է իր դեբյուտային ալբոմը 1998 թվականին։ Խմբի վերջին ալբոմը՝ Destiny’s Fulfilled-ը, թողարկվել է 2004 թվականին։ Չնայած հազվադեպ համատեղ ելույթներին, անդամների յուրաքանչյուր հանդիպում բեմում առաջացնում է կարոտի և հիացմունքի ալիք ամբողջ աշխարհի երկրպագուների շրջանում։
