Ավրաամ Ռուսոն եւ Իրինա Հարությունյանը ներկայացրել են «Սիրահար ենք» երգն ու տեսահոլովակը

Ավրաամ Ռուսոն և Իրինա Հարությունյանը ներկայացրել են իրենց համատեղ «Սիրահար ենք» երգը։ Այն պայծառ, խաղային և զգայական տրամադրությամբ ստեղծագործություն է, իսկ տեսահոլովակը նկարահանվել է Երևանում՝ մայրաքաղաքի ամենաշքեղ հյուրանոցներից մեկում՝ «Մուլտի Գրանդ»-ում։

Թեթև, խաղային կոմպոզիցիա, արևելյան կրքի, հայկական ռոմանտիզմի և փոփ քնքշության խառնուրդ։ Տեսահոլովակում Ավրաամն ու Իրինան, կարծես, սիրո մասին են խոսում. նրանք պարում են, հայացքներ փոխանակում, սիրախաղ անում։

Երաժշտության հեղինակը Վարուժո Դիլբարյանն է, խոսքերի հեղինակը՝ Վահե Ալեքսանյանը։